گاندربل کے میونسپل کونسل کی بلڈنگ میں لابئریری کم ریڈنگ روم کا افتتاح - Library Cum Reading Room

ضلع گاندربل میں جموں و کشمیر پولیس نے میونسپل کانسل کے تعاون سے میونسپل کی بلڈنگ میں لائبریری کم ریڈنگ روم کا افتتاح کیا۔اس کا مقصد طلبا و طالبات کو پڑھائی لکھائی میں درپیش مسائل کو حل کرنا ہے۔

گاندربل:گاندربل ضلع پولیس نے مقامی میونسپل کونسل کے تعاون سے سوک ایکشن پروگرام کے تحت لائبریری کم ریڈنگ روم قائم کا افتتاح کیا۔ نئے بس سٹینڈ اڈہ گاندربل میں میونسپل بلڈنگ میں واقع لائبریری کم ریڈنگ روم کا ایس ایس پی گاندربل سندیپ گپتا کے ہاتھوں افتتاح ہوا۔

اس موقع پر ایڈیشنل ایس پی گاندربل ملک اعجاز ا،جے کے پی ایس، غلام حسن، جے کے پی ایس ہیڈ کوارٹر گاندربل،ڈپٹی ایس پی ڈی اے آرڈی پی ایل گاندربل شری نذیر احمد، ای او میونسپل کونسل گاندربل، اساتذہ، طلباء و طالبات ، سول سوسائٹی کے اراکین نے شرکت کی ضلع اور میڈیا برادری کے معزز افراد بھی موجود تھے۔

اس موقع پر خطاب کرتے ہوئے ایس ایس پی گاندربل سندیپ گپتا نے طلباء پر زور دیا کہ وہ اپنے بہتر اور کامیاب مستقبل کے لیے پڑھائی کو سنجیدگی سے لیں۔ انہوں نے ان پر زور دیا کہ وہ کھیلوں کی سرگرمیوں میں بھی حصہ لیں کیونکہ اس سے خود اعتمادی کو بڑھانے میں مدد ملتی ہے۔

گاندربل کے میونسپل کونسل کی بلڈنگ میں لابئریری کم ریڈنگ روم کا افتتاح (etv bharat)

انہوں نے کہا کہ طلباء کو چاہیے کہ وہ وقت کا زیادہ سے زیادہ استعمال کریں اور اپنی توانائی کو صحیح سمتوں میں استعمال کریں اور ضلع میں نئی قائم ہونے والی لائبریری سے اچھے فوائد حاصل کریں۔