رشی پورہ میں آبپاشی اسکیم عدم توجہی کا شکار

Irrigation Scheme At Reshipora ضلع پلوامہ کے رشی پورہ اور اس کے اطراف کے مقامی باشندوں نے الزام لگایا کہ آبپاشی اسکیم عدم توجہی کا شکار ہے۔اس کی وجہ سے عام لوگوں کو بڑی دشواریوں کا سامنا کرنا پڑ رہا ہے۔باشندوں نے اس مسئلہ کو موسم گرما کے آنے سے قبل ہی ٹھیک کرنے کا مطالبہ کیا

پلوامہ:مرکز کے زیر انتظام یوٹی جموں و کشمیر کے لع پلوامہ کے ریشی پورہ ڈوگری پورہ اور اس سے ملحقہ علاقوں میں رہنے والے مقامی باشندچوں کی آمدنی کا انحصار زراعت کے شعبے پر ہے۔ کھیتی باڈی کے لئے علاقے کے کسانوں کو ایک آبپاشی اسکیم سے فراہم کیا جارہا تھا لیکن اب یہ اسکیم ناقابل استعمال ہے۔ اس سے عوام میں کافی تشویش پایا جارہا ہے۔

محمد یعقوب ڈار نام کے ایک مقامی کسان نے کہا کہ یہ علاقہ مکمل طور پر زراعت کے شعبے پر منحصر ہے۔ علاقے میں رہنے والے زیادہ تر لوگوں کی آمدنی کا بنیادی ذریعہ ہے۔ انہوں نے مزید کہا کہ علاقے میں آبپاشی کی اسکیم ناکارہ ہونے سے کاشتکاری کے شعبے سے وابستہ لوگوں کے لیے مشکلات پیدا ہو رہی ہیں۔

محمد یعقوب ڈار ن نے مزید کہا کہ دھان کے سیزن میں کسانوں کو بہت زیادہ نقصان اٹھانا پڑتا ہے لہذا اس مسئلے کو جلد از جلد حل کیا جائے۔انتظامیہ کو اس جانب توجہ دینے کی ضرورت ہے تاکہ کسانوں کو پریشانیوں سے نجات مل سکے۔

مقامی لوگوں نے کہا کہ زرعی کھیتی کے لیے آبپاشی بنیادی ضرورت ہے اور انہوں نے ڈپٹی کمشنر پلوامہ اور چیف سکریٹری جموں و کشمیر سے اپیل کی کہ علاقے میں کاشتکاری کے شعبے کو درپیش مسائل کا فوری ازالہ کیا جائے۔