خاندانی سیاست کامیابی کے لیے عمر بھر کا ٹکٹ نہیں، عمر عبداللہ کا اپنے بیٹوں کو مشورہ

سی ایم عمرعبداللہ نے بی جے پی کے ذریعہ خاندانی سیاست پر تنقید پر حکمراں پارٹی کو تنقید کا نشانہ بنایا ہے۔

نئی دہلی: خاندانی سیاست پر بی جے پی کی تنقید کا جواب دیتے ہوئے جموں و کشمیر کے وزیر اعلیٰ عمر عبداللہ نے کہا ہے کہ سیاسی نسب کامیابی کے لیے زندگی بھر کا ٹکٹ نہیں ہے۔ عمر عبداللہ نے سوال کیا کہ حکمران جماعت اپنی اتحادی جماعتوں کے ساتھ اس معاملے کو کیوں نہیں اٹھاتی؟ جو خود خاندانی سیاست کو برقرار رکھنے کے الزام کا سامنا کر رہے ہیں۔

پی ٹی آئی کے ساتھ ایک خصوصی انٹرویو کے دوران عمر عبداللہ سے ایک سوال کیا گیا کہ، کیا ان کے خاندان کی چوتھی نسل سیاست میں جائے گی، اور کیا اس سے انہیں خاندانی سیاست کو برقرار رکھنے کی تازہ تنقید کا سامنا کرنا پڑے گا جیسا کہ کانگریس پارٹی اور دیگر اپوزیشن پارٹیوں کو کرنی پڑ رہی ہے؟ اس سوال کے جواب میں انھوں نے یہ بات کہی۔

عمر عبداللہ کے دو بیٹے ہیں جو پیشہ سے وکیل ہیں۔ ان دونوں نے حال ہی میں زبردست سیاسی تبصرے کیے ہیں، خاص طور پر آئین کی دفعہ 370 کی منسوخی کے معاملے پر۔ انہوں نے ستمبر کے اسمبلی انتخابات کے دوران اپنے والد کے ساتھ بڑے پیمانے پر مہم بھی چلائی تھی۔

عمر عبداللہ نے کہا کہ، وہ (عمر عبداللہ کے دونوں بیٹے) جو بھی جگہ اپنے لیے منتخب کرتے ہیں، انہیں اپنے لیے بنانا پڑے گا۔ کوئی بھی انہیں پلیٹ میں کچھ نہیں دے گا۔ عمر عبداللہ کے دادا شیخ عبداللہ کو ریاست جموں کشمیر کی آزادی کے بعد کا بانی سمجھا جاتا ہے۔

عمر عبداللہ کے والد فاروق عبداللہ بھی کئی دہائیوں تک وزیر اعلیٰ رہے اور عمر عبداللہ نے حالیہ انتخابات کے بعد اکتوبر میں دوسری بار وزیر اعلیٰ کا عہدہ سنبھالا۔

پارلیمانی انتخابات 2024 میں اپنی نا کامی کا ذکر کرتے ہوئے عمر عبداللہ نے کہا، سیاسی خاندان سے تعلق رکھنا کامیابی کے لیے زندگی بھر کا ٹکٹ نہیں ہے۔ اور مجھے کسی اور کی طرف اشارہ کرنے کی ضرورت نہیں ہے۔ میں صرف اپنے بارے میں بات کروں گا۔ میں اس سال الیکشن ہار گیا ہوں۔

واضح رہے عمر عبداللہ بارہمولہ پارلیمانی سیٹ سے ٹیرر فنڈنگ کیس میں جیل میں بند انجینئر رشید سے ریکارڈ ووٹوں سے ہار گئے تھے۔

تاہم، عمر نے ستمبر میں اسمبلی انتخابات میں حصہ لیا اور شاندار کامیابی حاصل کی۔ اس ہار جیت کا تذکرہ کرتے ہوئے انھوں نے کہا، "میں ایک ہی شخص، ایک ہی خاندان، ایک ہی سیاسی جماعت سے ہوں۔

انہوں نے کہا کہ خاندانی سیاست پر بی جے پی کی تنقید محض سیاسی منافقت ہے۔

انہوں نے کہا، بی جے پی کے لیے یہ آسان ہے کہ وہ صرف سیاسی خاندانوں کی مخالفت کرتی نظر آتی ہے۔ انہیں (بی جے پی ) اپنے اتحادیوں کے درمیان خاندانی سیاست سے کوئی مسئلہ نہیں ہے۔

جموں کشمیر کے وزیراعلیٰ نے کہا کہ، بی جے پی اتحاد میں شامل خاندانی سیاست دانوں کی تعداد بتانے کی مجھے ضرورت نہیں ہے جو بی جے پی کے پاس ماضی میں ہے یا رہے ہیں یا مستقبل میں ہوں گے۔ عمر نے مزید کہا کہ، بی جے پی کو سیاسی خاندانوں سے نہیں بلکہ ایسے سیاسی خاندانوں سے مسئلہ ہے جو ان کے مخالف ہیں۔

انہوں نے کہا، اگر آپ بی جے پی کے اتحادی ہیں تو سیاست دان نہ تو خاندانی ہیں اور نہ ہی بدعنوان۔ یہ پوچھے جانے پر کہ کیا وہ اب بھی اپنے بیٹوں ضمیر اور ظہیر کی رہنمائی یا سیاسی مشورے دیں گے، تو عبداللہ نے کہا، میں نے انہیں بتایا ہے کہ بطور منتخب نمائندے، ہم آج یہاں موجود ہیں۔ شاید کل وہاں نہ ہو۔ اس کے بعد انہوں نے اپنی مثال دیتے ہوئے کہا کہ ان کی پارٹی اور وہ 2014 میں منتخب ہوئے تھے۔ پھر ہمیں 2018 میں عہدے سے ہٹا دیا گیا تھا اور ہم 2024 تک واپس نہیں آئے تھے۔ لہذا، آپ کو واپس آنے کے لیے کچھ (ایک آمدنی اور پیشہ) کی ضرورت ہے۔

اداکاری اور کھیل جیسے دیگر شعبوں کے ساتھ ہم آہنگی پیدا کرتے ہوئے، انہوں نے اس بات پر روشنی ڈالی کہ خاندانی رابطوں کے ابتدائی فوائد جلد ختم ہو جاتے ہیں۔

انہوں نے کہا، کچھ کو ابتدائی طور پر پہچانا جاتا ہے، لیکن اگر آپ پرفارم نہیں کر سکتے تو کوئی بھی آپ کا ساتھ نہیں دے گا۔