پلوامہ میں رخصت پذیرایس ایس پی اور اے ایس پی کے اعزاز میں الوداعی تقریب کا انعقاد

Farewell For SSP And ASP ضلع انتظامیہ پلوامہ کی جانب سے حال ہی میں ٹرانفسرہونے والے ایس ایس پی پلوامہ اور نئے ترقی پانے والے اے ایس پی پلوامہ کے اعزاز میں الوداعی تقریب کا اہتمام کیا گیا۔اس موقع پر رخصت پذیر ایس ایس پی کو خصوصی ممنٹو سے نواز گیا۔

پلوامہ:ضلع انتظامیہ نے آج ضلع سے تبادلہ ہونے والے ایس ایس پی پلوامہ محمد یوسف اور نئے ترقی پانے والے اے ایس پی شوکت رفیق وانی جو (ڈی وائی ایس پی ہیڈ کوارٹر پلوامہ) کے طور پر خدمات انجام دے رہے تھے کے لیے ایک الوداعی پروگرام کا اہتمام کیا۔

سرکٹ ہاؤس میں منعقدہ الوداعی پروگرام میں ڈپٹی کمشنر پلوامہ ڈاکٹر بشارت قیوم، اے ڈی ڈی سی پلوامہ ڈاکٹر شیخ عبدالعزیز، اے سی ڈی پلوامہ ڈاکٹر پیرزادہ فرحت، سی پی او نوشاد احمد، اے سی آر پلوامہ اعزاز احمد کے علاؤہ تمام ضلع سطح افسران موجود تھے۔

ڈپٹی کمشنر پلوامہ ڈاکٹر بشارت قیوم سمیت وہاں موجود تمام افسران نے دونوں افسران کو ان کی اگلی تعیناتی پر مبارکباد دی۔افسران کے لیے نیک خواہشات کا اظہار کیا۔

ایس ایس پی پلوامہ محمد یوسف چودھری نے اپنے خطاب کے دوران کہا کہ ڈپٹی کمشنر پلوامہ ڈاکٹر بشارت قیوم کی قیادت میں ضلع انتظامیہ پلوامہ اور پلوامہ پولیس نے مل کر پلوامہ کو پرامن بنانے کے لئے بہت محنت کی اور ضلع کی ہمہ گیر ترقی کے لئے مل کر کام کیا۔

ڈپٹی کمشنر پلوامہ ڈاکٹر بشارت قیوم نے اپنے خطاب کے دوران ضلع سے منتقل ہونے والے ایس ایس پی پلوامہ اور نئے ترقی پانے والے اے ایس پی شوکت رفیق کو ضلع پلوامہ کو پرامن بنانے اور ضلع کی ہمہ گیر ترقی کے لیے ضلع انتظامیہ کے ساتھ مل کر کام کرنے پر مبارکباد دی۔