پانی کی قلت سے ہزاروں کنال زرعی زمین کو نقصان

Farmers React شوپیان ضلع سے 15 کلومیٹر دور تلرن علاقے کو پانی فراہم کرنے والی ندی حالیہ برفباری و بارش کی وجہ متاثر ہو گئی۔ اس کی وجہ سے پورے گاؤں کو پانی کی قلت کا سامنا کرنا پڑ ہے۔ پورا علاقہ زرعی پیداوار پر منحصر ہے۔ اس سے کسانوں میں تشویش پائی جا رہی ہے۔

شوپیان:ضلع شوپیان کے تلران اور اس سے متصل علاقوں کے کاشتکاروں نے بتایا کہ ان کا روزگار براہ راست آبپاشی کی نہر پر منحصر ہیں۔ وہ پریشان ہیں کہ پانی کے بغیر وہ باغبانی اور زراعت کے کاموں کو کیسے انجام دیں گے۔ ندی خراب ہونے سے ہزاروں کنال اراضی کو مشکلات کا سامنا کرنا پڑے گا۔ وہیں لوگوں نے بتایا کہ اگر علاقے میں کوئی آگ کی واردت پیش آتی ہے تو پانی نہ ہونے کی وجہ سے اس پر قابو پانا مشکل ہو سکتا ہے۔

مقامی باشندوں نے بتایا کہ انہوں نے کئی بار اعلیٰ حکام سے اس حوالہ سے بات کی تاہم ان کی طرف کوئی غور نہیں کیا جارہا ہے اور ان کے مطالبات کو رد کر دیا جاتا ہے۔ اس حوالے سے مقامی باشندوں نے آج اپنے علاقے تلرن میں ایک احتجاج بھی کیا۔

ادھر متعلقہ محکمہ کے ایکزن نے اگرچہ علاقے میں از خد جائزہ لینے کے پہنچ گئے تاہم وہ لوگوں کو مطمئن نہ کرسکے، ساتھ ہی انہوں نے صحافیوں سے اس مسلئہ پر بات کرنے سے انکار کردیا۔ مقامی باشندوں نے ڈپٹی کمشنر شوپیان اور گورنر انتظامیہ سے مداخلت کی گزارش کرتے ہوئے بتایا کہ جلد از جلد اس علاقے کو پانی فراہم کیا جائے تاکہ ان کے مال و مویشی بچ سکیں۔