چنار کور کے کمانڈر نے شمالی کشمیر میں سکیورٹی صورت حال کا جائزہ لیا - Chinar Corps Commander

Chinar Corps GOC visits North Kashmir: چنار کور کے کمانڈر لیفٹیننٹ جنرل راجیو گھائی نے شمالی کشمیر میں سکیورٹی صورت حال کا جائزہ لینے کے لیے انسداد دہشت گردی گرڈ میں تعینات راشٹریہ رائفلز کے دستوں سے ملاقات کی۔

سرینگر: فوج کی پندرہویں کور کے کمانڈر لیفٹیننٹ جنرل راجیو گھائی نے شمالی کشمیر میں سکیورٹی صورت حال کا جائزہ لینے کے لئے انسداد دہشت گردی گرڈ میں تعینات راشٹریہ رائفلز کے دستوں کا دورہ کیا۔ یہ جانکاری چنار کور نے 'ایکس' پر اپنے ایک پوسٹ کے ذریعے فراہم کی۔ پوسٹ میں کہا گیا کہ 'چنار کور کے کمانڈر لیفٹیننٹ جنرل راجیو گھائی نے شمالی کشمیر میں سکیورٹی صورتحال کا جائزہ لینے کے لئے انسداد دہشت گردی گرڈ میں تعینات راشٹریہ رائفلز کے دستوں کا دورہ کیا'۔ پوسٹ میں مزید کہا گیا کہ 'انہوں نے اس دوران جوانوں کی آنے والے چلینجز کا مقابلہ کرنے کے لئے آپریشنل تیاریوں کی اعلیٰ حالت میں رہنے کے لیے حوصلہ افزائی کی'۔

واضح رہے کہ چیف آف آرمی سٹاف جنرل منوج پانڈے نے 23 مارچ کو جموں میں اکھنور سیکٹر کا دورہ کیا اور وہاں پر فوج کی تیاریوں کا جائزہ لیا تھا۔ اس دوران فوجی افسر کو گراﺅنڈ پر تعینات کمانڈروں نے آپریشنل تیاریوں اور تازہ سکیورٹی صورت حال کے متعلق بریف کیا۔ آرمی چیف جنرل منوج پانڈے نے فوجی اہلکاروں کے پیشہ ورانہ مظاہرے کے لئے ان کی حوصلہ افزائی کی اور انہیں مستقبل میں بھی اپنے فرائض پیشہ ورانہ طریقے سے انجام دینے کے لئے کہا۔

( یو این آئی مشمولات کے ساتھ)