راجوری میں فوجی گاڑی کو حادثہ اہلکار کی موت

راجوری کے کالاکوٹ علاقہ میں فوجی گاڑی کے گہری کھائی میں گرنے سے دو فوجی اہلکار زخمی جب کہ ایک کی موت ہو گئی ہے۔

راجوری: سرحدی ضلع راجوری کے کالاکوٹ علاقہ میں معمول کے مطابق فوجی گاڑی سڑک پر تعینات اہلکاروں کو کیمپ کی طرف جمع کرتے ہوئے راستے میں گہری کھائی میں گر گئی، جس کے نتیجے میں دو فوجی اہلکار شدید طور پر زخمی ہو گئے ہیں۔

جن کو مقامی لوگوں کی مدد سے نزدیکی ہسپتال کالاکوٹ میں منتعقل کیا گیا ہے۔ تاہم اس دوران ایک اہلکار کی موت ہو گئی ہے۔ جبکہ دوسرے کو ابتدائی طبعی سہولیات دینے کے بعد راجوری کے سرکاری ہسپتال میں منتعقل کر دیا گیا ہے۔

بتایا جا رہا ہے کہ یہ گاڑی 63 آر آر کی تھی اور شام کو تعینات نفری کو جمع کرنےکی غرض سے جارہی تھی۔ تاہم راستے میں حادثے کا شکار ہو گئی، جس کے نتیجے میں ایک فوجی اہلکار کی ہلاک ہو گیا ہے۔ تاہم پولبس نے اس ضمن میں کیس درج کرکے تحقیقات شروع کردی ہے۔