لاس اینجلس: لاس اینجلس میں لگی آگ پر ابھی تک قابو نہیں پایا جا سکا ہے۔ آگ دیگر علاقوں میں پھیلتی جا رہی ہے۔ ابھی تک کم از کم 16 افراد ہلاک، ہزاروں افراد بے گھر اور 12,000 سے زائد گھر جل کر تباہ ہو چکے ہیں۔
یہ آگ گزشتہ منگل کو لگی اور سانتا اینا کی تیز ہواؤں نے اسے پھیلا دیا۔ ایسا امکان ظاہر کیا جا رہا ہے کہ کم از کم وسط ہفتے تک آگ پر قابو پا لیا جائے گا۔ کیل فائر نے رپورٹ کیا ہے کہ پیلیسیڈس، ایٹن، کینتھ اور ہرسٹ کی آگ نے تقریباً 62 مربع میل (160 مربع کلومیٹر) علاقہ کو اپنی لپیٹ میں لے لیا۔
لاس اینجلس میں آگ سے اب تک 129 ارب روپے سے زیادہ کا نقصان (AP) کہاں ہوئیں ہلاکتیں:
ایل اے کاؤنٹی کے طبی معائنہ کار کے دفتر نے بتایا کہ ساحل کے ساتھ ساتھ پیلیسیڈس میں لگنے والی آگ سے پانچ اموات ہوئیں اور ایٹن فائر کے نتیجے میں مزید 11 افراد ہلاک ہوئے۔ ابھی تک کم از کم 16 افراد لاپتہ بتائے جا رہے ہیں اور حکام کا کہنا ہے کہ تعداد میں اضافہ ہو سکتا ہے۔
لاس اینجلس میں آگ سے اب تک 129 ارب روپے سے زیادہ کا نقصان (AP) نقصان کا تخمینہ:
اگرچہ آگ لگنے کی وجہ کا ابھی تک پتہ نہیں لگایا جا سکا ہے۔ ابتدائی اندازوں سے پتہ چلتا ہے کہ یہ آگ ملک کی اب تک کی سب سے زیادہ نقصان پہنچانے والی آگ ثابت ہو سکتی ہے۔ اکیو ویدر کے ابتدائی تخمینوں کے مطابق نقصان 135 سے 150 بلین ڈالرز (ایک سو انتیس ارب، ایک سو ستاسی ملین، چار لاکھ پچیس ہزار) کے درمیان ہو سکتا ہے۔
لاس اینجلس میں آگ سے اب تک 129 ارب روپے سے زیادہ کا نقصان (AP) ان علاقوں سے ہزاروں لوگ انخلاء کر چکے ہیں اور سینکڑوں اپنے گھروں سے محروم ہو گئے ہیں۔ جن میں ہالی ووڈ کے ستارے بلی کرسٹل اور مینڈی مور اور لاس اینجلس لیکرز کے ہیڈ کوچ جے جے ریڈک شامل ہیں۔ آگ نے کئی مشہور شخصیات کی حویلیوں اور فلموں کے نشانات کو کم کر کے راکھ کر دیا ہے
آگ نے کئی عبادت گاہوں کو تباہ کر دیا ہے، جن میں ایک مسجد، ایک کیتھولک پیرش اور ڈیڑھ درجن پروٹسٹنٹ گرجا گھر شامل ہیں۔
لاس اینجلس میں آگ سے اب تک 129 ارب روپے سے زیادہ کا نقصان (AP) ہزاروں افراد بے گھر ہیں یا بجلی سے محروم ہیں:
آگ کے شعلوں نے گزشتہ ہفتے آبادی والے محلوں کو اپنی لپیٹ میں لے لیا اور علاقوں کو راکھ میں تبدیل کر دیا۔ اس میں پیسیفک پیلیسیڈس، الٹاڈینا اور دیگر علاقے شام ہیں۔
تقریباً ایک لاکھ پچاس ہزار لوگوں کے لیے انخلاء کے احکامات تھے جن میں سے 700 نے نو پناہ گاہوں میں پناہ لی تھی۔
کیل فائر نے اتوار کے روز پیلیسیڈس میں آگ پر 11 اور ایٹن میں 27 فیصد آگ پر قابو پانے کی اطلاع دی ہے۔ کینتھ کے سان فرنینڈو وادی میں ویسٹ ہلز کے قریب پوری طرح آگ پر قابو پا لیا گیا ہے جبکہ ہرسٹ میں 89 فیصد پر قابو پایا گیا ہے۔
لاس اینجلس میں آگ سے اب تک 129 ارب روپے سے زیادہ کا نقصان (AP) کیلیفورنیا میں اتوار کی صبح تک تقریباً 70,000 صارفین بجلی سے محروم تھے، ان میں سے نصف سے زیادہ لاس اینجلس کاؤنٹی کے صارفین ہیں۔ حکام نے بتایا کہ پورے خطے میں سیوریج، پانی اور بجلی کے بنیادی ڈھانچے کو کافی نقصان پہنچا ہے۔
نیشنل ویدر سروس نے خبردار کیا کہ سانتا انا کی تیز ہوائیں دوبارہ زور پکڑ سکتی ہیں اور بدھ تک شدید آگ کے حالات کے لیے ریڈ فلیگ وارننگ جاری کی ہے۔ سانتا انا کی تیز ہواؤں کو بڑے پیمانے پر لگی آگ کی وجہ بتایا جا رہا ہے حالانکہ ابھی اس ضمن میں جانچ جاری ہے۔
لاس اینجلس میں آگ سے اب تک 129 ارب روپے سے زیادہ کا نقصان (AP) آگ لگنے کی وجوہات کیا ہیں؟
نیشنل فائر پروٹیکشن ایسوسی ایشن کے مطابق، آسمانی بجلی امریکہ میں آگ لگنے کا سب سے عام ذریعہ ہے، لیکن تفتیش کاروں نے اس امکان کو اس لیے مسترد کر دیا کیونکہ مشرقی لاس اینجلس کاؤنٹی میں شروع ہونے والی ایٹن فائر کے آس پاس کے علاقے یا پیلیسیڈس کے علاقے میں بجلی گرنے کی کوئی اطلاع نہیں ہے۔
اگلی دو سب سے عام وجوہات جان بوجھ کر لگائی جانے والی آگ اور یوٹیلیٹی لائنوں سے لگنے والی آگ ہیں۔
یہ بھی پڑھیں:
