Published : 5 hours ago
|Updated : 4 hours ago
کابل: افغانستان میں ان دنوں سڑک حادثات میں اضافہ دیکھا جا رہا ہے۔ ہر روز کوئی نہ کوئی حادثہ پیش آتا ہے جس میں لوگ جان گنوا رہے ہیں۔
افغانستان کی طالبان حکومت کے ترجمان نے جانکاری دی کہ، جنوب مشرقی افغانستان میں دو ہائی وے حادثات میں مجموعی طور پر 50 افراد ہلاک اور 76 زخمی ہو گئے ہیں۔
صوبہ غزنی کے گورنر کے ترجمان حافظ عمر نے بتایا کہ ایک مسافر بس اور ایک آئل ٹینکر کے درمیان بدھ کو دیر گئے کابل-قندھار ہائی وے پر تصادم ہوا ہے۔
عمر نے مزید جانکاری دیتے ہوئے کہا کہ، زخمیوں کو غزنی کے اسپتالوں میں لے جایا گیا ہے اور حکام لاشوں کو لواحقین کے حوالے کرنے کا عمل شروع کر چکے ہیں۔ انھون نے کہا کہ، جو مریض زیادہ تشویشناک حالت میں ہیں ایسے مریضوں کو کابل منتقل کر دیا گیا ہے۔ انہوں نے مزید کہا کہ ہلاک ہونے والوں میں خواتین اور بچے بھی شامل ہیں۔
افغانستان میں ٹریفک حادثات عام ہیں. یہ پہلا موقع نہیں ہے کہ اس ہائی وے پر اتنا بڑا حادثہ پیش آیا ہو۔ گزشتہ چند برسوں میں اسی طرح کے کئی واقعات منظر عام پر آچکے ہیں، جن میں سینکڑوں افراد اپنی جانوں سے ہاتھ دھو بیٹھے ہیں۔ افغانستان میں یہ واقعات عام ہیں جن کی بنیادی وجہ سڑکوں کی خراب حالت اور ڈرائیور کی غفلت ہے۔
