سڑک حادثے میں سری لنکا کے وزیر مملکت اور پولس افسر کی موت

Sri Lanka Accident: سری لنکا میں ہوئے ایک سڑک حادثے میں سری لنکا کے وزیر مملکت سنتھ نشانتھ اور ایک پولیس اہلکار ہلاک ہو گئے۔ نشانتھ کی جیپ ایک کنٹینر سے ٹکرا گئی تھی۔

کولمبو: سری لنکا میں جمعرات کے روز پانی کی فراہمی کے وزیر مملکت سنتھ نشانتھ اور ایک پولیس افسر کی کولمبو-کاتونائیکے ایکسپریس وے پر سڑک حادثے میں موت ہو گئی۔ پولس نے بتایا کہ ایکسپریس وے کے کنڈانہ پولس ڈویژن میں مقامی وقت کے مطابق سویرے 2 بجے وزیر موصوف کی گاڑی ایک کنٹینر ٹرک سے ٹکرا گئی۔

پولس کے مطابق ریاستی وزیر اور پولس افسر اسپتال میں داخل ہونے کے بعد دم توڑ گئے اور ان کی گاڑی کا ڈرائیور زیر علاج ہے۔ ریاستی وزیر سنتھ نشانتھ جیپ میں سفر کر رہے تھے۔ ان کی جیپ کاتو نائیکے سے کولمبو کی طرف جارہی تھی ایک کنٹینر گاڑی سے ٹکرا گئی جو اسی سمت چل رہی تھی اور پھر سڑک کی حفاظتی باڑ سے ٹکرا گئی۔

جو جیپ حادثہ کا شکار ہوئی اس میں ریاستی وزیر سنتھ نشانتھ کے علاوہ ایک پولیس کانسٹیبل، ان کے سیکورٹی اہلکار جیا کوڈی سوار تھے۔ حادثہ میں جیپ کا ڈرائیور شدید زخمی ہو گیا اور انہیں راگاما اسپتال میں داخل کرایا گیا ہے۔

پولیس نے بتایا کہ ریاستی وزیر اور پولیس کانسٹیبل اسپتال میں داخل ہوتے ہی دم توڑ گئے اور ڈرائیور شدید زخمی ہے جس کا علاج راگاما اسپتال میں کیا جا رہا ہے۔ حادثہ کیسے ہوا اور اس کی وجوہات کیا تھیں، کنڈہ پولیس اس کی مزید تحقیقات کررہی ہے۔