چھ افراد کو لے جانے والا ایک نجی طیارہ افغانستان میں گر کر تباہ

plane crashes in Afghanistan اتوار کو ایک چھوٹا مراکشی طیارہ جس میں چھ افراد سوار تھے افغانستان کے صوبے بدخشاں میں گر کر تباہ ہو گیا۔ یہ طیارہ بھارت سے تاشقند، ازبیکستان اور ماسکو کے زوکووسکی انٹرنیشنل ایئرپورٹ کے راستے پر چارٹر ایمبولینس پرواز کے طور پر کام کر رہا تھا۔

کابل: افغانستان کے شمال مشرقی صوبہ بدخشاں کے ضلع زیبک میں اتوار کے روز ایک مراکشی نجی جیٹ طیارہ جس میں چھ افراد سوار تھے، گر کر تباہ ہوگیا۔ علاقائی ترجمان ذبیح اللہ امیری نے بتایا کہ یہ حادثہ ہفتے کے روز صوبہ بدخشاں کے ایک پہاڑی علاقے میں پیش آیا، انہوں نے مزید کہا کہ ایک امدادی ٹیم کو علاقے میں روانہ کر دیا گیا ہے۔

ابھی تک کسی جانی نقصان کے بارے میں کوئی اطلاع نہیں ہے۔ دریں اثناء، ڈائریکٹوریٹ جنرل آف سول ایوی ایشن (DGCA) کے سینئر اہلکار کے مطابق، جو طیارہ بدخشاں کے کوران-منجان اور زیبک سے متصل توپخانہ پہاڑوں میں گر کر تباہ ہوا، وہ مراکش کا رجسٹرڈ DF10 طیارہ تھا۔ انہوں نے تصدیق کی کہ یہ بھارتی طیارہ نہیں تھا۔

قبل ازیں صوبہ کے انفارمیشن ایڈوائزر ذبیح امیری نے میڈیا کو بتایا تھا کہ ابتدائی تحقیقات سے ظاہر ہوتا ہے کہ ماسکو جانے والا طیارہ بھارتی طیارہ تھا۔ انہوں نے کہا کہ ریسکیو ٹیمیں بھیج دی گئی ہیں لیکن علاقہ بہت دور افتادہ ہے۔

بدخشاں میں طالبان پولیس کمانڈ نے کہا کہ طیارہ صوبہ کے توپ خانہ علاقہ کے اونچے پہاڑوں میں گر کر تباہ ہوا۔ ڈی جی سی اے کے سینئر اہلکار کے مطابق یہ بھارتی طیارہ نہیں ہے۔ (یو این آئی)