یروشلم: حماس نے اسرائیلی فوج کی ایک خاتون یرغمالی کا ویڈیو جاری کیا۔ یرغمالی لری الباغ کی درد بھری آواز نے اسرائیلی عوام کو ہلا کر رکھ دیا ہے۔ اس ویڈیو نے نتن یاہو پر جنگ بندی کا دباؤ بڑھا دیا ہے۔ اسرائیلی عوام سڑکوں پر ہے اور لری الباغ اور دیگر یرغمالیوں کی واپسی کا مطالبہ کر رہی ہے۔
اسرائیل اور حماس ایک بار پھر جنگ بندی کی طرف بڑھ رہے ہیں جو غزہ میں 15 ماہ سے جاری جنگ کو ختم کر سکتا ہے۔
اسرائیل اور حماس دونوں، سبکدوش ہونے والے امریکی صدر جو بائیڈن اور نومنتخب صدر ڈونلڈ ٹرمپ کے دباؤ میں ہیں۔ کیونکہ ٹرمپ نے دونوں کو 20 جنوری کے افتتاحی تقریب سے پہلے کسی معاہدے تک پہنچنے کا وقت دیا ہے۔
اسرائیلی، مصری اور حماس کے عہدیداروں کے مطابق، مذاکرات کا یہ دور پہلے مرحلے میں رہا کیے جانے والے یرغمالیوں کے ناموں پر الجھا ہوا ہے۔
اسرائیل یرغمالیوں کے زندہ ہونے کی یقین دہانی چاہتا ہے، جب کہ حماس کا کہنا ہے کہ مہینوں کی شدید جنگ کے بعد، یہ یقینی نہیں ہے کہ کون زندہ ہے یا مر گیا ہے۔
کیا اس مرتبہ ہو جائے گا غزہ جنگ بندی معاہدہ؟ (AP) جنگ بندی میں رکاوٹیں باقی ہیں:
حکام کے مطابق، پہلا مرحلہ، چھ سے آٹھ ہفتوں تک جاری رہنے کی توقع ہے۔ اس مرحلہ میں جنگ روکنا، فلسطینی قیدیوں کی رہائی اور محصور غزہ کی پٹی کے لیے امداد میں اضافہ بھی شامل ہے۔ آخری مرحلے میں باقی ماندہ یرغمالیوں کی رہائی، جنگ کا خاتمہ، تعمیر نو کے بارے میں بات چیت اور مستقبل میں غزہ پر حکمرانی کس کی ہوگی اس پر تبادلہ خیال شامل ہے۔
امریکی وزیر خارجہ انٹونی بلنکن نے پیر کے روز سیئول میں کہا کہ "اگر ہم اسے اگلے دو ہفتوں میں مکمل نہیں کر پاتے ہیں، تو مجھے یقین ہے کہ یہ کسی وقت مکمل ہو جائے گا۔ تاہم انھوں نے جنگ بندی معاہدہ جلد مکمل ہو جانے کی امید ظاہر کی۔
کچھ ایسے مسائل ہیں جو معاہدے کو برقرار رکھنے میں رکاوٹ بنے ہوئے ہیں۔
کیا اس مرتبہ ہو جائے گا غزہ جنگ بندی معاہدہ؟ (AP) غزہ سے یرغمالیوں کی رہائی:
7 اکتوبر 2023 کے دوران جنوبی اسرائیل پر حماس کے حملے میں 250 کے قریب افراد کو یرغمال بنایا گیا۔ نومبر 2023 میں ہونے والی جنگ بندی کے نتیجے میں 100 سے زیادہ یرغمالیوں کو رہا کر دیا گیا تھا، جب کہ گزشتہ ایک سال کے دوران کچھ کو بچا لیا گیا یا ان کی باقیات برآمد ہوئی تھیں۔
اسرائیل کا کہنا ہے کہ تقریباً 100 یرغمالی غزہ میں ہیں۔ اس کا خیال ہے کہ ان میں سے کم از کم ایک تہائی 7 اکتوبر کے حملے کے دوران مارے گئے تھے یا اسیری کے دوران ہلاک ہو گئے۔
اسرائیلی، مصری اور حماس کے حکام کے مطابق، رہا کیے جانے والے یرغمالیوں کی پہلی کھیپ میں زیادہ تر خواتین، بزرگ اور طبی حالات کے حامل افراد کے شامل ہونے کی توقع ہے۔
پیر کے روز، حماس کے ایک اہلکار نے اے پی کے ساتھ یرغمالیوں کے 34 ناموں کی فہرست شیئر کی، جنھیں رہا کیا جائے گا۔ ایک مصری اہلکار نے تصدیق کی کہ فہرست حالیہ بات چیت کا مرکز رہی۔ لیکن اسرائیلی وزیر اعظم بنجمن نتن یاہو کے دفتر نے کہا کہ، یہ نام اسرائیل کی جانب سے مہینوں پہلے جمع کرائی گئی فہرست میں سے ہیں۔ دفتر نے کہا کہ، ابھی تک، اسرائیل کو حماس کی طرف سے فہرست میں شامل یرغمالیوں کی حیثیت کے بارے میں کوئی تصدیق یا تبصرہ موصول نہیں ہوا ہے۔
حماس کے ایک دوسرے عہدیدار نے پیر کے روز 14 ناموں کی فہرست جاری کی جس میں اس گروپ نے دعویٰ کیا کہ اسرائیل نے حماس کی طرف سے منظوری کے بعد انہیں زیر غور ہٹا دیا ہے اور ان کی جگہ دوسرے نام رکھ دیے گئے ہیں۔ اسرائیل نے تبصرہ کرنے کی درخواست کا جواب نہیں دیا، لیکن اس نے 14 افراد کو مردہ قرار دیا ہے۔
ایک اسرائیلی اہلکار نے کہا کہ موجودہ تعطل کی وجہ حماس کی جانب سے یرغمالیوں کے حالات کے بارے میں معلومات فراہم کرنے سے انکار کرنا ہے، جب کہ ایک اور اہلکار نے کہا کہ قطر میں مذاکرات کے لیے موساد کی خفیہ ایجنسی کے سربراہ کی روانگی روک دی گئی ہے۔
وہیں، حماس کے ایک اہلکار نے کہا کہ تمام یرغمالیوں کے حالات کوئی نہیں جانتا۔ حماس کے عہدے داروں نے کہا ہے کہ جنگ جاری ہے اور جب تک جنگ بندی نہیں ہو جاتی وہ موجودہ حالات کا مکمل حساب کتاب نہیں دے سکتے۔
جنگ شروع ہونے کے بعد سے، غزہ میں 45,800 سے زیادہ فلسطینی جاں بحق ہوئے ہیں، مقامی صحت کے حکام کے مطابق، ہلاک ہونے والوں میں نصف سے زیادہ خواتین اور بچے ہیں۔
کیا اس مرتبہ ہو جائے گا غزہ جنگ بندی معاہدہ؟ (AP) معاہدے کا مقصد جنگ روکنا ہے یا ختم کرنا؟
یرغمالیوں کے اہل خانہ نے مرحلہ وار طریقہ کار کی خبروں پر سخت ردعمل کا اظہار کیا ہے۔ اں کا کہنا ہے کہ، حکومت کو اس کے بجائے ایک معاہدے پر عمل کرنا چاہیے جو تمام اسیروں کو ایک ساتھ رہا کرے۔ ان کا کہنا ہے کہ لوگوں کو بحفاظت گھر پہنچانے کا وقت ختم ہو رہا ہے۔
ایک یرغمالی کے بھائی یوٹم کوہن نے رہا کئے جانے والوں کی فہرست میں اپنے بھائی کا نام شامل نہیں کئے جانے پر سخت اعتراض جتاتے ہوئے کہا کہ، آج صبح، میں اور اسرائیل میں ہر کوئی بیدار ہوا اور دریافت کیا کہ ریاست اسرائیل نے ایک فہرست تیار کی ہے، 34 لوگ جو اپنے خاندانوں کو دوبارہ گلے لگا سکیں گے، اور 66 دیگر جن کی قسمت پر مہر لگائی جائے گی۔
وہیں، نتن یاہو کا کہنا ہے کہ وہ جنگ کو روکنے والے جزوی معاہدے کی حمایت کرتے ہیں کیونکہ انہوں نے حماس کے مکمل اسرائیلی انخلاء کے مطالبات کو مسترد کر دیا ہے جس سے جنگ کا خاتمہ ہو گا۔ نتن یاہو نے اس عزم کا اظہار کیا ہے کہ وہ اس وقت تک لڑائی جاری رکھیں گے جب تک کہ وہ مکمل فتح حاصل نہیں کر لیتے۔
یرغمالیوں کے فورم جو یرغمال خاندانوں کی نمائندگی کرنے والا ایک نچلی سطح کا گروپ ہے، اس کا کہنا ہے کہ یہ ایک جامع معاہدے کا وقت ہے۔
گروپ نے کہا کہ، ہم جانتے ہیں کہ آدھے سے زیادہ ابھی بھی زندہ ہیں اور انہیں فوری بحالی کی ضرورت ہے، جب کہ جن لوگوں کو قتل کیا گیا تھا انہیں مناسب تدفین کے لیے واپس کیا جانا چاہیے، ہمارے پاس ضائع کرنے کے لیے مزید وقت نہیں ہے۔ گروپ نے کہا کہ، یرغمالی جنگ بندی کے معاہدے کو اب سیل کیا جانا چاہیے!
کیا اس مرتبہ ہو جائے گا غزہ جنگ بندی معاہدہ؟ (AP) اسرائیل میں فلسطینی قیدیوں کی رہائی:
معاہدے کے ایک حصے کے طور پر، توقع ہے کہ اسرائیل اپنی جیلوں میں قید سینکڑوں فلسطینیوں کو رہا کرے گا، جن میں درجنوں پر سنگین الزامات ہیں اور وہ سزا یافتہ تھے۔
اسرائیل میں بڑے پیمانے پر قیدیوں کی رہائی کی تاریخ ہے، اور نومبر 2023 کے معاہدے میں سینکڑوں کو رہا کیا گیا تھا۔ لیکن فریقین نے رہا کیے جانے والے قیدیوں کی صحیح تعداد اور ناموں پر اختلاف کیا ہے۔ حماس اس مرحلے میں ہائی پروفائل قیدیوں کو شامل کرنا چاہتی ہے۔ اسرائیلی حکام نے مروان برغوتی کی رہائی کو مسترد کر دیا ہے جو حماس کی خواہشات کی فہرست میں سرفہرست ہیں۔
نیتن یاہو کے حکومتی اتحاد میں سخت گیر لوگ شامل ہیں جو اس طرح کی ریلیز کی مخالفت کرتے ہیں۔
کیا اس مرتبہ ہو جائے گا غزہ جنگ بندی معاہدہ؟ (AP) کیا جنگ بندی معاہدے کے بعد غزہ میں فلسطینی اپنے گھروں کو واپس جا سکیں گے؟
اقوام متحدہ کے اندازوں کے مطابق جنگ نے غزہ کے 2.3 ملین افراد میں سے 90 فیصد کو بے گھر کر دیا ہے۔ شمالی غزہ کے علاقوں کی آبادی بڑی حد تک خالی ہو گئی ہے۔
معاہدے کے چلتے اسرائیل سے توقع کی جا رہی ہے کہ وہ فلسطینی آبادی کے مراکز سے فوجیں ہٹائے گا اور کچھ بے گھر افراد کو اپنے گھروں کو واپس جانے کی اجازت دے گا۔ لیکن حکام کا کہنا ہے کہ، واپسی کی حد اور واپس جانے کی اجازت، لوگوں کی تعداد سے متعلق ابھی بھی کام کرنا باقی ہے۔
کیا اس مرتبہ ہو جائے گا غزہ جنگ بندی معاہدہ؟ (AP) یہ بھی پڑھیں:
