مسجد الحرام اور مسجد نبویؐ سے متعلق اہم ہدایات جاری

سعودی وزارت حج و عمرہ نے زائرین کو ہدایت کی کہ دو مقدس مساجد، مسجد الحرام اور مسجد نبوی میں حفاظت، نظم و ضبط برقرار رکھنے اور زائرین اور نمازیوں کے آرام کو یقینی بنانے کے لیے ان مقدس مقامات کے صحنوں میں آرام کرنے یا سونے سے پرہیز کریں۔

ریاض: سعودی وزارت حج و عمرہ نے مملکت میں آنے والے زائرین کو ہدایت کی ہے کہ ’وہ مسجد الحرام اور مسجد نبویؐ میں تین مقامات پر ڈیرے نہ جمائیں اور نہ ہی انہیں آرام کے لئے استعمال کریں۔ بین الاقوامی خبر رساں ادارے کی رپورٹ کے مطابق وزارت حج و عمرہ نے وضاحت کی کہ یہ پابندی زائرین کی سلامتی، نظام کی پابندی اور نماز و زیارت کے لیے آنے والوں کے سکون و اطمیئنان کے لیے لگائی گئی ہے۔

سوشل میڈیا کے ایکس اکاؤنٹ پر وزارت نے بیان میں انتباہ کیا ’مسجد الحرام اور مسجد نبوی میں سونا اور بستر لگانا زائرین کے لیے تکلیف کا باعث بنتا ہے۔ وزارت کے مطابق زائرین ہمیشہ یہ بات پیش نظر رکھیں کہ مسجد الحرام یا مسجد نبوی میں سونے یا بستر لگانے سے دیگر زائرین کی سلامتی کو خطرات لاحق ہوتے ہیں۔

زائرین کی جانب سے ڈیرے جمانے کے باعث آنے جانے میں رکاوٹ اور رش بڑھتا ہے۔ سلامتی کے تقاضے متاثر ہونے کے ساتھ ساتھ راستے کا حق بھی معطل ہوتا ہے۔ اس لیے ان دو مقدس مساجد میں حفاظت، نظم و ضبط برقرار رکھنے اور زائرین اور نمازیوں کے آرام کو یقینی بنانے کے لیے ان مقدس مقامات کے صحنوں میں آرام کرنے یا سونے سے پرہیز کریں۔ (یو این آئی)