چوبیس گھنٹے کے اندر غزہ سے چوتھے اسرائیلی یرغمالی کی لاش برآمد - Israeli hostages in Gaza

اسرائیلی سکیورٹی فورسز کا کہنا ہے کہ غزہ کی پٹی سے ایک اور اسرائیلی یرغمالی کی لاش برآمد ہوئی ہے۔ اس قبل حماس نے کہا تھا اسرائیل کی بے تحاشہ بمباری میں دس سے زائد اسرائیلی یرغمالی مارے جاچکے ہیں۔

تل ابیب: غزہ کی پٹی سے حماس کے ہاتھوں یرغمال بنائے گئے تین اسرائیلیوں کی لاشیں برآمد ہونے کے ایک دن بعد اسرائیلی فورسز نے ہفتے کے روز جنگ زدہ علاقے سے ایک اور یرغمالی کی لاش برآمد کی ہے۔ ٹائمز آف اسرائیل نے یہ اطلاع اسرائیل ڈیفنس فورسز کے حوالے سے دی ہے۔

ایک پریس کانفرنس میں اسرائیلی فورسز کے ترجمان ریئر ایڈمرل ڈینیل ہگاری نے کہا کہ فوج نے غزہ کی پٹی میں ایک اور یرغمالی کی لاش برآمد کر لی ہے۔ قبل ازیں کل فوج نے اعلان کیا تھا کہ تین مغویوں کی لاشیں ملی ہیں۔ وہ یرغمالی جس کی لاش ہفتے کو برآمد ہوئی ہے اس کی شناخت 53 سالہ رون بینجمن کے نام سے ہوئی ہے۔ حماس نے اسے 7 اکتوبر کی صبح اغوا کیا تھا۔

ہگاری نے کہا کہ بنیامین کو حماس کے عسکریت پسندوں نے 7 اکتوبر کو میفلسم کے قریب قتل کر دیا تھا اور اس کی لاش کو غزہ میں یرغمال بنا لیا گیا تھا۔ جبکہ حماس کا کہنا ہے کہ اسرائیل کی بے تحاشہ بمباری میں دس سے زائد اسرائیلی یرغمالی مارے جاچکے ہیں۔

ٹائمز آف اسرائیل کی رپورٹ کے مطابق جمعہ کو اسرائیلی فوج اور حماس کے درمیان جاری شدید لڑائی کے درمیان آئی ڈی ایف نے جنگ زدہ غزہ کی پٹی سے تین مغویوں کی لاشیں برآمد کیں تھیں۔ تینوں کی شناخت اِتزاک گیلرینٹر، امیت بسکیلا اور شانی لاوک کے نام سے ہوئی ہے۔

واضح رہے کہ سات اکتوبر سے جاری جنگ میں اب تک اسرائیلی حملوں میں کم از کم 35,456 فلسطینی ہلاک اور 79,476 زخمی ہو چکے ہیں۔ غزہ وزارت صحت کے مطابق 24 گھنٹے میں 70 افراد جاں بحق اور 110 زخمی ہوئے ہیں۔ جے بعد جاں بحق ہونے والوں کی تعداد 35,456 تک پہنچ گئی ہے۔