واشنگٹن:ڈونلڈ ٹرمپ آج امریکہ کے 47ویں صدر کی حیثیت سے حلف اٹھانے جا رہے ہیں۔ ٹرمپ کی تقریب حلف برداری میں صرف چند گھنٹے رہ گئے۔ آج ہونے جا رہی افتتاحی تقاریب میں روایتی حلف برداری، میوزیکل پرفارمنس، جشن کی پریڈ، اور دیگر کئی روایتی تقریب شامل ہیں۔ 78 سالہ ٹرمپ دوسری بار اور امریکہ کے 47ویں صدر ہوں گے۔ سرکاری حلف برداری تقریب آج 20 جنوری 2025 کو 12 (1700 GMT) بجے ہوگی۔ صدر ٹرمپ کو امریکہ کے چیف جسٹس جان رابرٹس عہدے و رازداری کا حلف دلائیں گے۔
امریکا میں شدید سردی کے باعث ٹرمپ کیپیٹل ہل میں حلف اٹھائیں گے۔ حلف اٹھانے کے بعد ٹرمپ وائٹ ہاؤس پہنچتے ہی 100 فائلوں پر دستخط کر سکتے ہیں۔ ان فائلوں پر ٹرمپ اپنی نئی میعاد کے پہلے ہی دن دستخط کریں گے۔ ان میں سے زیادہ تر احکامات کا تعلق انتخابی وعدوں سے ہے جو اسے پورا کرنے جا رہے ہیں۔ ٹرمپ نے حال ہی میں ایک انٹرویو میں کہا تھا کہ وہ اپنے دور اقتدار کے پہلے ہی دن ایک ریکارڈ بنانے کا منصوبہ بنا رہے ہیں۔ وہ اس دن ریکارڈ تعداد میں انتظامی احکامات جاری کریں گے۔
حلف برداری سے قبل آرلنگٹن قبرستان میں گل پوشی
ڈونلڈ ٹرمپ اور نائب صدر منتخب جے ڈی وینس نے حلف برداری سے قبل اتوار کو ورجینیا کے آرلنگٹن نیشنل قبرستان میں فوجیوں کی قبر پر پھولوں کی چادر چڑھائی۔ تقریب مکمل ہونے کے بعد دونوں قبرستان کے اس حصے کی طرف چلے گئے جہاں افغانستان اور عراق میں لڑائی میں مارے گئے فوجیوں کو دفن کیا گیا ہے۔ ٹرمپ اور وینس نے اگست 2021 میں کابل ہوائی اڈے کے گیٹ پر داعش کے خودکش بم دھماکوں میں ہلاک ہونے والے فوجیوں کے اہل خانہ سے بات کرتے ہوئے تقریباً آدھا گھنٹہ گزارا۔
مشرق وسطیٰ میں امن اور یوکرین جنگ ختم کرنے کا وعدہ