حیدرآباد: Nvidia (این ویڈیا) نے بھارت میں AI (مصنوعی ذہانت) انفراسٹرکچر کی تعمیر کے لیے Reliance Industries (ریلائنس انڈسٹریز) کے ساتھ شراکت کا اعلان کیا ہے۔ یہ اعلان ممبئی میں جیو ورلڈ کنونشن سینٹر میں منعقدہ بھارت میں این ویڈیا کے پہلے مصنوعی ذہانت سمٹ میں کیا گیا۔ این ویڈیا کے سی ای او جینسن ہوانگ نے کلیدی اجلاس کے بعد ریلائنس انڈسٹریز کے چیئرمین اور ایم ڈی مکیش امبانی کو فائر سائیڈ چیٹ کے لیے مدعو کیا۔ دونوں ارب پتیوں نے بھارت میں این ویڈیا کے AI منصوبوں کے ساتھ ساتھ ان امکانات کے بارے میں بات کی جو ملک کو عالمی AI دوڑ میں برتری حاصل کرنے کے لیے ایک اہم پیشرفت سے متعلق ہے۔
مکیش امبانی نے این ویڈیا کو ہندی لفظ ’ودیا‘ (تعلیم) سے مشابہہ قرار دیا۔ تاہم دونوں کمپنیوں نے شراکت داری یا اس کے دائرہ کار کے بارے میں کوئی تفصیلات شیئر نہیں کی ہیں تاہم مکیش امبانی اور جینسن ہوانگ نے ہندوستان میں AI کے مواقع پر تبادلہ خیال کیا۔ فائر سائیڈ چیٹ کے دوران مکیش امبانی نے کہا کہ ریلائنس کے بنیادی اصول علمی انقلاب کی قیادت کرنے اور اسے انٹیلی جنس انقلاب میں تبدیل کرنے کے بارے میں ہیں۔ انہوں نے زور دے کر کہا کہ بھارت اب انٹیلی جنس کے دور میں داخل ہو رہا ہے۔