ماریشس کے نائب صدر میری سیرِل ایڈی بوئیسیزن دہلی پہنچے - Mauritius VP arrives in Delhi

19 ویں سی آئی آئی انڈیا-افریقہ بزنس کانکلیو کا آج سے نئی دہلی میں آغاز۔ اس میں شرکت کے لیے ماریشس کے نائب صدر میری سیرِل ایڈی بوئیسیزن دہلی پہنچے۔ اس موقعے پر وزارت خارجہ کے سرکاری ترجمان رندھیر جیسوال نے گرم جوشی سے ان کا استقبال کیا۔

نئی دہلی: ماریشس کے نائب صدر میری سیرِل ایڈی بوئیسیزن 19ویں کنفیڈریشن آف انڈین انڈسٹری (سی آئی آئی)، انڈیا-افریقہ بزنس کنکلیو میں شرکت کے لیے پیر کو نئی دہلی پہنچے۔ وزارت خارجہ کے سرکاری ترجمان رندھیر جیسوال نے گرمجوشی سے ان کا خیرمقدم کیا اور کہا کہ میری سیرِل ایڈی کا یہ دورہ دونوں ممالک کے لئے بہت اہمیت کا حامل ہے جو دونوں ممالک کے درمیان تعلقات کو مزید مستحکم کرے گا۔

سوشل میڈیا ایکس پر ایک پوسٹ میں رندھیر جیسوال نے کہا، 'بھارت میں خوش آمدید! ماریشس کے نائب صدر میری سائرل ایڈی بوائسیزن 19ویں سی آئی آئی انڈیا۔افریقہ بزنس کنکلیو میں شرکت کے لیے نئی دہلی پہنچ گئے ہیں!'

19 واں سی آئی آئی انڈیا۔افریقہ بزنس کنکلیو 20-22 اگست کو نئی دہلی میں منعقد ہورہا ہے۔ یہ قابل ذکر ہے کہ سی آئی آئی انڈیا۔افریقہ بزنس کنکلیو کے 19ویں ایڈیشن کا مقصد افریقہ کی ترقی کے لیے ایک وسیلے کے طور پر کام کرنا اور علاقائی اور عالمی ویلیو چین انٹیگریشن میں انڈیا۔افریقہ شراکت داری کے کردار کو بڑھاوا دینا ہے۔

بھارت آج دنیا میں سب سے تیزی سے ترقی کرنے والی معیشت ہے، جسے سازگار ڈیموگرافی کا تعاون حاصل ہے۔ وبائی امراض اور میکرو اکنامک عدم توازن اور مالیاتی شعبے کے مسائل کے باوجود بھارت اس وقت پانچویں بڑی معیشت ہے جو لگاتار بڑھتی جا رہی ہے۔ مالی سال 2024 کے لیے اس کا تخمینہ جی ڈی پی 3.7 ٹریلین امریکی ڈالر ہے۔

جے شنکر نے کہا تھا، 'ہم سب جانتے ہیں کہ افریقہ آج تیزی سے تبدیلی کے مرحلے سے گزر رہا ہے۔ یہ انسانی تہذیب کی ابتدا سے لے کر مستقبل کی سرزمین کی تخلیق تک کا احاطہ کرتا ہے۔ یہ سب سے کم عمر کی آبادی، وسیع قدرتی وسائل، وسعت پذیر صلاحیتوں، بڑھتی ہوئی منڈیوں اور سب سے بڑھ کر بڑھتے ہوئے عزائم کے ساتھ آگے بڑھ رہا ہے۔