وقف ترمیم بل پراب سیکولر پارٹیاں اپنا موقف ظاہرکریں: علامہ بنی حسنی (ETV BHARAT) ممبئی: آل انڈیا علما بورڈ کے صدر علامہ بنی حسنی نے وقف ترمیمی بل اور وقف املاک پر ادھو ٹھاکرے کے بیان استقبال کیا۔ انہوں نے کہا کہ ہم اودھو ٹھاکرے کے وقف املاک پر فکر مند ہونے سے خوش ہیں۔ لیکن اب باقی سیکولر سیاسی پارٹیوں کو بھی اپنا موقف ظاہر کرنا ہوگا۔ اس سے قبل اودھو ٹھاکرے نے وقف ملکیت پر اپنا موقف ظاہر کرتے ہوئے کہا کہ وقف کی ملکیت کو کسی کے حوالے کرنا کبھی گوارا نہیں کروں گا۔ میں اس ملکیت کو کسی کو ہاتھ لگانے نہیں دوں گا۔ ایک پروگرام کے دوران انہوں نے کہا کہ وہ کسی کو وقف بورڈ اور مندروں کی جائیدادوں کو ہاتھ نہیں لگانے دیں گے۔
علامہ بنی حسنی نے وقف ترمیم بل کی مخالفت کرتے ہوئے کہا کہ ہم اسے کبھی نافذ نہیں ہونے دیں گے اور وہ اُن سیاسی پارٹیوں سے جواب طلب کریں گے جو مسلمانوں کی خیر خواہی کے دعویٰ کرتے نظر آتی ہیں۔ یہی نہیں ہم بی جے پی کے لیڈران سے بھی بات چیت کریں گے، کیونکہ ہمیں وقف کے املاک کی حفاظت کرنی ہے۔
تحریک اوقاف کے بانی شبیر انصاری نے کہا کہ وقف ترمیم بل کو لیکر ہم نے ہر طبقے سے ہر ایک کو مدعو کیا۔ ہر ایک نے اس کی مخالفت کی ہے۔
شبیر انصاری نے مزید کہا کہ سیکولر پارٹیوں نے وقف املاک کو نقصان پہنچایا ہے۔
مزید پڑھیں: اوقاف کی ملکیت کو حکومت اپنے قبضے میں لے لینا چاہتی ہے
شبیر انصاری نے کہا کہ وقف تحریک کا آغاز طویل عرصے پہلے کیا۔ اب ہم چاہتے ہیں کہ اس تحریکِ کو آگے بڑھایا جائے اور اُن لوگوں کے خلاف محاذ کھڑا کیا جائے جو وقف کی حفاظت کے نام پر وقف کی ملکیت نیلام کر رہے ہیں۔
