نئی دہلی: راکٹ سائنسدان وی نارائنن کو منگل کو خلائی ادارے اسرو کا سکریٹری مقرر کیا گیا۔ وہ ایس سومناتھ کی جگہ لیں گے۔ سومناتھ کی میعاد اگلے ہفتے مکمل ہو جائے گی۔ اس سلسلے میں باضابطہ حکم نامہ جاری کر دیا گیا ہے۔
ڈاکٹر نارائنن کو اسرو کا اگلا چیئرمین مقرر کیا گیا ہے۔ وہ 14 جنوری کو چارج سنبھالیں گے۔ ڈاکٹر نارائنن اس وقت مائع پروپلشن سسٹمز سنٹر کے ڈائریکٹر ہیں۔ ڈاکٹر نارائنن اسرو کے بڑے سائنسدان ہیں۔ اسرو کے ساتھ ان کا طویل کریئر رہا ہے۔ انہوں نے تقریباً چار دہائیوں تک اسرو میں اہم ذمہ داریاں نبھائی ہیں۔ انہیں راکٹ اور خلائی جہاز کے میدان میں مہارت حاصل ہے۔ وہ دو سال یا اگلے احکامات تک اس عہدے پر فائز رہیں گے۔
ڈاکٹر وی نارائنن کون ہیں؟
واضح رہے کہ خلائی محکمہ کے سکریٹری کے پاس انڈین اسپیس ریسرچ آرگنائزیشن (ISRO) کے چیئرمین کا چارج بھی ہے۔ سومناتھ نے 14 جنوری 2022 کو تین سال کی مدت کے لیے خلائی ادارے کے سکریٹری کا عہدہ سنبھالا۔
ڈاکٹر نارائنن GSLV Mk III گاڑی کے C-25 کریوجینک پروجیکٹ کے پروجیکٹ ڈائریکٹر تھے۔ ان کی قیادت میں ٹیم نے C-25 مرحلے کو کامیابی سے تیار کیا، جو GSLV Mk III کا ایک اہم جزو ہے۔ نارائنن راکٹ اور خلائی جہاز کے پروپلشن کے ماہر ہیں۔ انہوں نے 1984 میں اسرو میں شمولیت اختیار کی اور سنٹر کے ڈائریکٹر بننے سے پہلے مختلف عہدوں پر فائز رہے۔
ابتدائی مرحلے کے دوران ساڑھے چار سال تک انہوں نے وکرم سارابھائی اسپیس سینٹر (VSSC) میں آگمنٹڈ سیٹلائٹ لانچ وہیکل (ASLV) اور پولر سیٹلائٹ لانچ وہیکل (PSLV) کے ساؤنڈنگ راکٹ اور ٹھوس پروپلشن ایریا میں کام کیا۔ انہوں نے 1989 میں آئی آئی ٹی کھڑگ پور میں پہلی رینک کے ساتھ کریوجینک انجینئرنگ میں ایم ٹیک مکمل کی اور مائع پروپلشن سسٹمز سنٹر (LPSC) میں کریوجینک پروپلشن کے شعبے میں قدم رکھا۔
یہ بھی پڑھیں:اسرو نے تاریخ رقم کی، اسپیڈیکس مشن PSLV-C60 سے لانچ کیا گیا
بھارت میں خلائی شعبہ کا بطور کیریئر مستقبل کیا ہے؟ مون مین آف انڈیا سے خصوصی بات چیت
اسرو کے چیرمین سومناتھ IAF ورلڈ اسپیس ایوارڈ سے سرفراز
