راہل گاندھی کی ہتک عزت کے ایک معاملے میں ضمانت منظور

Defamation case against Rahul Gandhi کانگریس رکن پارلیمنٹ راہل گاندھی ہتک عزت کی شکایت کے ایک معاملے میں آج سلطان پور کی عدالت میں پیش ہوئے۔ جہاں سماعت کے دوران عدالت نے ان کی ضمانت منظور کی ہے۔

سلطان پور: کانگریس کے سابق صدر راہل گاندھی ہتک عزت کیس میں آج (20 فروری،منگل) سلطان پور کی خصوصی عدالت میں پیش ہوئے ہیں۔ خصوصی عدالت نے راہل گاندھی کی ضمانت منظور کی ہے۔

محکمہ انصاف کے ذرائع نے پیر کو بتایا کہ کانگریس رکن پارلیمنٹ راہل گاندھی کے خلاف ہتک عزت کی شکایت کے معاملے میں 20 فروری کی تاریخ طے کی گئی تھی۔ راہل گاندھی پانچ سال قبل دائر کی گئی شکایت میں ابھی تک عدالت میں پیش نہیں ہوئے ہیں۔ عدالت نے قانون کے مطابق ان کے خلاف سمن/ نوٹس بھیجا تھا لیکن اس کے بعد بھی کانگریس کے رکن پارلیمنٹ راہل گاندھی عدالت میں پیش نہیں ہو رہے تھے۔

راہل گاندھی کے وکیل کاشی پرساد شکلا نے اپنی آخری پیشی میں راہل گاندھی کی بھارت جوڑو نیائے یاترا کا حوالہ دیا تھا اور کہا تھا کہ وہ ناگالینڈ اور آسام کے درمیان مصروف ہیں۔ پیشگی معلومات نہ ہونے اور وقت کم ہونے کی وجہ سے وہ نہیں پہنچ سکے، اس لیے انہوں نے عدالت سے درخواست کی تھی کہ انہیں وقت دیا جائے اور وہ مقررہ تاریخ پر پہنچ کر ضمانت حاصل کر سکتے ہیں، جس پر عدالت نے 20 فروری کی تاریخ مقرر کی تھی۔ اس دوران راہل گاندھی کی بھارت جوڑو نیا ئے یاترا آج (19 فروری) کو رائے بریلی پہنچی ہے۔