مہاراشٹر اور جھارکھنڈ میں تھم گئی انتخابی مہم، 20 نومبر کو ووٹنگ

مہاراشٹر کی 288 اسمبلی سیٹوں اور جھارکھنڈ میں دوسرے مرحلے کے تحت 38 سیٹوں پر 20 نومبر کو ووٹنگ ہوگی۔

ممبئی: آج پیر کو مہاراشٹر اور جھارکھنڈ اسمبلی انتخابات کے لیے انتخابی مہم کا آخری دن تھا۔ یہ مہم شام 5 بجے رک گئی۔ آپ کو بتاتے چلیں، ان سیٹوں کے لیے ووٹنگ بدھ 20 نومبر کو ہوگی۔ جبکہ ووٹوں کی گنتی 23 نومبر بروز ہفتہ کو ہوگی۔ انتخابات میں اقتدار حاصل کرنے کے لیے تمام پارٹیوں نے اپنی پوری طاقت لگا دی ہے۔ حکمراں مہایوتی اور اپوزیشن مہا وکاس اگھاڑی دونوں پارٹیوں نے ریاست میں اقتدار حاصل کرنے کے لیے ووٹروں سے بہت سے وعدے کیے ہیں۔ دیکھنا یہ ہے کہ ووٹرز جیت کا تاج کس کے سر پر سجائیں گے۔

انتخابی مہم کے آخری روز تمام جماعتوں کے رہنماؤں نے ریلیاں نکالیں اور اپنی اپنی پارٹی کے حق میں ووٹ دینے کی اپیل کی۔ مہاراشٹر میں اصل لڑائی مہا یوتی اور مہا وکاس اگھاڑی کے درمیان ہے۔ مہاوکاس اگھاڑی میں کانگریس، شیو سینا (یو بی ٹی) اور شرد پوار کی نیشنلسٹ کانگریس پارٹی شامل ہیں۔ ساتھ ہی، بھارتیہ جنتا پارٹی، اجیت پوار کی این سی پی اور ایکناتھ شندے کی شیوسینا مہا یوتی میں شامل ہیں۔

جھارکھنڈ میں دوسرے مرحلے کے لیے ہوگی ووٹنگ:

اس کے علاوہ جھارکھنڈ کی باقی 38 اسمبلی سیٹوں پر بھی بدھ 20 نومبر کو ووٹنگ ہوگی۔ اس کے نتائج بھی ہفتہ 23 نومبر کو آئیں گے۔ پہلا مرحلہ 13 نومبر کو ہوا تھا جس میں 43 سیٹیں شامل تھیں۔

ان ریاستوں میں ضمنی انتخابات:

مہاراشٹر اور جھارکھنڈ کی اسمبلی سیٹوں کے ساتھ ساتھ کئی ریاستوں میں ضمنی انتخابات بھی ہو رہے ہیں۔ اتر پردیش کی 9 اسمبلی سیٹیں غازی آباد، ماجھوان، کھیر، میرا پور، سیساماؤ، پھول پور، کٹہاری، کرہل اور کنڈرکی اسمبلی سیٹیں شامل ہیں۔ اس کے علاوہ پنجاب کی تین اور کیرالہ اور اتراکھنڈ کی ایک ایک سیٹ پر بھی ووٹنگ ہوگی۔ ساتھ ہی مہاراشٹر کی ناندیڑ لوک سبھا سیٹ پر بھی ووٹنگ ہوگی۔