انتخابات کو لے کر اورنگ آباد پولیس الرٹ موڈ پر۔ - Aurangabad elections 2024

ریاست مہاراشٹر کے اورنگ آباد پولیس کمشنریٹ میں پارلمانی انتخابات کے پیش نظر، سرکاری اسلحہ لائسنس ہولڈروں کے معلومات اکٹھی کرنا شروع کر دی ہیں۔ شہر پولیس الرٹ موڈ پر آگئی ہے، اور ریکارڈ پر موجود شہر میں ہسٹری شیٹرز کی مانیٹرنگ شروع کر دی گئی ہے۔

اورنگ آباد:پارلمانی انتخابات کا بگل بجتے ہی محکمہ پولیس کی زیادہ توجہ شہر کے سرکاری اسلحہ لائسنس ہولڈروں پر ہے۔ اگر چہ الیکشن کمیشن اور عدالتوں نے اس سال پالیسی میں نرمی کی ہے، تاہم محکمہ پولس نے ہر اسلحہ لائسنس ہولڈر کی معلومات اکٹھی کرنا شروع کر دی ہیں۔ بنیادی طور پر کچھ لائسنس ہولڈرز کی موت کی وجہ سے دیگر کو اپنے ہتھیار فوری طور پر پولیس ہیڈ کوارٹر میں جمع کرانے کو کہہ دیا گیا ہے۔ پولس حکام نے بتایا کہ اسپیشل برانچ کی جانب سے تمام تھانوں کو اسی طرح کی ہدایات دی گئی ہیں۔ پولس محکمہ فرنٹ موڈ میں آ گیا ہے، اور لوک سبھا انتخابات کو لے کر کام شروع کر دیا ہے۔

ریکارڈ پر موجود مجرموں کی فہرست کے حساب سے احتیاطی کارروائی اور بنیادی طور پر شہر میں ہسٹری شیٹرز کی مانیٹرنگ شروع کر دی گئی ہے۔ اس کے علاوہ انتخابات کے دوران بنیادی طور پر لائسنس یافتہ اسلحہ ضبط کرنے کی ہدایات دی گئی ہیں۔ اس وقت اورنگ آباد شہر میں 1421 اور ضلع میں 607 اسلحہ لائسنس ہولڈرز ہیں۔ اس میں 70 فیصد لائسنس ہولڈرز کا تعلق صنعت، کاروباری اور سیاسی شعبے سے ہے، اور اپنی زندگی کے علاوہ ذاتی تحفظ کی وجہ سے لائسنس لیے گئے ہیں۔ دلچسپ بات یہ ہے کہ گزشتہ 4 سالوں میں ان لائسنسوں میں کمی آئی ہے، اور 159 لائسنس منسوخ کیے گئے ہیں۔

انتخابات کے دوران اسلحے کے غلط استعمال کو روکنے کے لیے انتخابات کے دوران اسلحہ جمع کرانا لازمی قرار دیا گیا ہے۔ تاہم چند روز قبل عدالت نے اسلحہ جمع نہ کرانے کا فیصلہ دیا تھا۔ اس سال بڑی تبدیلی دیکھنے میں آئی کیونکہ الیکشن کمیشن نے بھی اس حوالے سے حکم میں نرمی کی۔ پولیس کمشنر کی سر براہی میں ایک کمیٹی یہ فیصلہ کرتی ہے کہ کس کو ہتھیار دینا ہیں، اور کس کو نہیں دینا ہے۔ اس کے لیے کمیٹی وجوہات کو دیکھ کر فیصلہ دیتی ہے۔

شہر میں اگر چہ 1121 لائسنس ہولڈرز ہیں، لیکن تحقیقات سے یہ بات سامنے آئی ہے کہ ان میں سے کئی نے اسلحہ نہیں خریدا۔ اس کے علاوہ بہت سے لائسنس یافتہ مر چکے ہیں، لیکن ان کا اسلحہ ابھی تک پولیس کے پاس جمع نہیں کرایا گیا ہے۔ ایسے متوفی لائسنس ہولڈرز کے لائسنس اور اسلحہ ہیڈ کوارٹر میں جمع کرانے کے احکامات بھی جاری کر دیئے گئے ہیں، جس میں بینک، سیکورٹی گارڈز اور کھلاڑی اس اصول سے مستشنی ہیں۔