گوہاٹی: ایک اہم پیش رفت میں ریاستی حکومت نے جمعہ کو 1935 کے آسام مسلم شادی اور طلاق رجسٹریشن ایکٹ کو منسوخ کر دیا۔ یہ فیصلہ جمعہ کی رات وزیر اعلی ہمانتا بسوا سرما کی صدارت میں منعقدہ ریاستی کابینہ کی میٹنگ کے دوران لیا گیا۔
آسام میں یہ فیصلہ اتراکھنڈ یکساں سول کوڈ قانون سازی کرنے والی پہلی ریاست بننے کے تین ہفتے بعد کیا گیا ہے۔ کابینی وزیر جیانتا ملابروا نے اسے یکساں سول کوڈ (یو سی سی) کی جانب ایک بڑا قدم قرار دیا۔ انہوں نے اس بات پر زور دیا کہ مسلم شادیوں اور طلاقوں سے متعلق تمام معاملات خصوصی میرج ایکٹ کے تحت چلائے جائیں گے۔
ریاستی وزیر نے مزید کہا ہے کہ "ڈسٹرکٹ کمشنر اور ڈسٹرکٹ رجسٹرار اب نئے ڈھانچے کے تحت مسلم شادیوں اور طلاقوں کو رجسٹر کرنے کے انچارج ہوں گے۔ منسوخ شدہ ایکٹ کے تحت ملازمت کرنے والے 94 مسلم رجسٹراروں کو بھی ان کے عہدوں سے فارغ کر دیا جائے گا اور انہیں 2 لاکھ دس ہزار روپے کی یکمشت ادائیگی دی جائے گی"۔
مزید پڑھیں:
ریاستی وزیر نے مزید کہا ہے کہ "انتظامیہ اس ایکٹ کو منسوخ کر کے، بچپن کی شادی کے مسئلے کو حل کرنے کا ارادہ رکھتی ہے، بچپن کی شادی خواتین کے لیے 18 سال اور مردوں کے لیے 21 سال سے کم عمر کے افراد پر تصور کی جائے گی"۔ ان عمر کے افراد کی شادی بچپن کی شادی سمجھی جائے گی۔ واضح رہے کہ ریاست اتراکھنڈ میں یکساں سول کوڈ نافذ کیے جانے کے بعد آسام میں اس قانون کے نفاذ پر غور کیا جارہا ہے۔
