اسد الدین اویسی کو فلسطین جاکر بندوق اٹھاکر لڑنا چاہیے: راجہ سنگھ - RAJA SINGH ON OWAISI OATH

RAJA SINGH ON ASADUDDIN OWAISI: مجلس اتحاد المسلمین کے کل ہند صدر و حیدرآباد رکن پارلیمنٹ بیرسٹر اسد الدین اویسی نے پارلیمنٹ میں اس وقت سرخیاں حاصل کی جب انہوں نے پارلیمنٹ میں اللہ کے نام پر حلف لیا۔ ساتھ ہی انہوں نے بلا ڈر وخوف جے بھیم، جے میم، جے تلنگانہ اور جے فلسطین کا نعرہ بھی بلند کیا۔

حیدرآباد:مجلس اتحاد المسلمین کے سربراہ اور حیدرآباد کے رکن پارلیمنٹ اسد الدین اویسی نے منگل کو لوک سبھا میں رکن پارلیمنٹ کے طور پر حلف لیا۔ جہاں انہوں نے اخیر میں 'جے بھیم، جے میم، جے تلنگانہ اور جے فلسطین' کا نعرہ بلند کیا۔ جس پر زعفرانی میڈیا نے سخت اعتراض کیا۔ یہ معاملہ ایسے ہی کب ٹھنڈا ہونے والا تھا جب تک رکن اسمبلی ٹی راجہ سنگھ اس پر کچھ ردعمل نہیں دے دیتے۔ ساتھ ہی اسد الدین اویسی کے نعرے پر این ڈی اے اتحاد کے قائدین چراغ پا ہوگئے اور انہوں نے شدید برہمی کا اظہار کیا۔ اور ہر بار کی طرح اس بار بھی تفرقے کی آڑ میں حیدرآباد کے حلقہ گوشہ محل کے رکن اسمبلی راجہ سنگھ نے بھی رد عمل ظاہر کیا ہے اور مشتعل بیان سوشل میڈیا پر جاری کیا۔

صاف سنا جاسکتا ہے کہ اس میں راجہ سنگھ نے یہ کہا ہے کہ فلسطینیوں سے اتنی محبت ہے تو ان کے لیے بھارت چھوڑ کر اسد الدین اویسی فلسطین چلے جائیں اور بندوق اٹھا لیں، راجہ سنگھ نے کہا کہ ایک مرتبہ اگر وہ فلسطین گئے تو انہیں صورتحال کا اندازہ ہوگا۔

راجہ سنگھ نے مزید کہا کہ بھارت میں رہتے ہوئے یہاں سیاست کرتے ہوئے بھارت ماتا کی جے اور جے بھارت کے نعرے لگانے کے بجائے ایسے نعرے کیوں لگائے گئے، راجہ سنگھ نے پوچھا کہ اگر آپ کی جگہ کوئی جے اسرائیل کے نعرے لگاتا تو آپ خاموش رہے ہوتے تھے۔ آپ تو پارلیمنٹ کے باہر نکل کر احتجاج کرتے تھے۔