چنڈی گڑھ:وزیر اعظم نریندر مودی جمعرات کو پنجاب کا دورہ کریں گے، جہاں وہ پٹیالہ میں انتخابی ریلی کریں گے۔ تاہم ان کے دورے سے قبل پٹیالہ میں کئی مقامات پر خالصتانی نعرے لکھے گئے ہیں اور ان کی مخالفت کرنے کی وارننگ بھی دی گئی ہے۔ سکھ فار جسٹس (ایس ایف جے) کے سربراہ گرپتونت سنگھ پنوں نے اس حوالے سے ایک ویڈیو جاری کیا ہے۔
پی ایم مودی کے دورے سے قبل پٹیالہ میں خالصتانی نعرے، کسانوں نے سیاہ جھنڈے دکھانے کا کیا اعلان (Etv Bharat) اس ویڈیو کو جاری کرتے ہوئے پنوں نے خالصتانی نعرے لکھنے کی ذمہ داری لی ہے، پنوں نے کہا کہ ان کے کارکنوں نے وزیر اعظم مودی کے دورہ پٹیالہ سے پہلے کئی مقامات پر خالصتانی جھنڈے لہرائے ہیں اور ان کے دورہ پنجاب کے دوران ان کی مخالفت کی جائے گی۔
وزیر اعظم نریندر مودی پنجاب میں انتخابی ریلیاں کرنے کل سے 2 دن کے لیے پنجاب جا رہے ہیں۔ وہ اپنے پنجاب کے دورے کے دوران 23 مئی کو پٹیالہ میں اپنی پہلی ریلی کریں گے، جہاں سے پرنیت کور بی جے پی کی امیدوار ہیں۔ اس کے ساتھ ہی اگلے دن 24 مئی کو وزیر اعظم گورداس پور اور جالندھر میں پارٹی امیدواروں کے حق میں ریلیوں سے خطاب کریں گے۔
کسانوں نے وزیر اعظم نریندر مودی کے دورہ پنجاب کے دوران بھی احتجاج کا اعلان کیا ہے۔ کسان تنظیموں نے شمبھو ریلوے اسٹیشن پر ٹرین روک تحریک ملتوی کر دی ہے اور اب وہ بی جے پی لیڈروں کے گھروں کے سامنے دھرنا دیں گے اور پی ایم مودی کے دورہ پنجاب کے دوران ان کے خلاف احتجاج کریں گے۔ اس کے ساتھ ہی بھارتیہ کسان یونین اوگرہان نے بھی وزیر اعظم کے خلاف احتجاج کرنے کا اعلان کیا ہے۔
مزید پڑھیں:پرینکا گاندھی آج جھارکھنڈ کا دورہ کریں گی، گوڈا اور رانچی میں انتخابی ریلی سے کریں گی خطاب - LOK SABHA ELECTION 2024
وزیر اعظم نریندر مودی کی 23 تاریخ کو پٹیالہ میں ہونے والی انتخابی ریلی کے دوران کسان بھی وزیر اعظم مودی سے آئینی اور جمہوری انداز میں سوال کریں گے اور پوچھا جائے گا کہ انہوں نے دھوکہ کیوں دیا اور جھوٹ کیوں بولا؟ اور تحریری طور پر دینے کے باوجود وعدہ کیوں پورا نہیں کیا گیا؟
