మంటల్లో బోగీలు దగ్ధం.. రైలును తోసుకెళ్లిన ప్రయాణికులు!

Train Fire Accident: ఉత్తర్​ప్రదేశ్​లోని మేరఠ్​ జిల్లా దౌరాలా స్టేషన్​ వద్ద ఆగి ఉన్న పాసింజర్​ రైలులో అగ్ని ప్రమాదం జరిగింది. సహ్రాన్​పుర్​ నుంచి దిల్లీ వెళ్లాల్సిన రైలు షార్ట్​ సర్క్యూట్​కు గురైంది. మంటలు చెలరేగడం వల్ల ప్రయాణికులు భయాందోళనతో బయటకు పరుగులు తీశారు. అప్రమత్తమైన అధికారులు మంటలను అదుపు చేసేందుకు చర్యలు చేపట్టారు. మంటల ధాటికి రెండు బోగీలు దగ్ధమయ్యాయి. అగ్ని ప్రమాదాన్ని గుర్తించిన ప్రయాణికులు అందరూ రైలు నుంచి బయటకు వచ్చేయడం వల్ల ఎలాంటి ప్రాణనష్టం జరగలేదు. దగ్ధమైన బోగీల నుంచి రైలును వేరు చేసేందుకు.. ప్రయాణికులంతా కలిసి ట్రైన్​ను ముందుకు తోయడం గమనార్హం.