సంప్రదాయ చీరకట్టు... పడతుల సొగసులదిరేట్టు

చీరలోని గొప్పతనం తెలుసుకో.. ఆ చీరకట్టి ఆడతనం పెంచుకో అంటూ ఓ గేయ రచయిత చీరకట్టు సొగసులను చూపించాడు. నేటి సమాజంలో ఎన్నో రకాల వస్త్రాలు అందుబాటులో ఉన్నా చీరలో ఉన్న సౌందర్యం, సౌకర్యం వేటిలోనూ లభించదు. తెలంగాణ గ్రామీణప్రాంత మహిళల చీరకట్టు వస్త్రధారణను తెలిపే విధంగా గోచికట్టు పేరుతో హైదరాబాద్​ మణికొండలో ఫోటో ప్రదర్శన ఏర్పాటు చేశారు. ఈ ప్రదర్శన నెలరోజుల పాటు ఉంటుందని నిర్వాహకులు తెలిపారు. పట్టణ వనితలను సాంప్రదాయ చిత్రమాలిక ఎంతగానో ఆకట్టుకుంటోంది.