చేప మందు వేసుకుంటారా...? - చేప ప్రసాదం

మృగశిర కార్తె ఆరంభం కాగానే ఆస్తమా రోగులు భాగ్యనగరంవైపు చూస్తారు. దేశం నలుమూలల నుంచి చేప మందు కోసం హైదరాబాద్​కు చేరుకుంటారు. చేప ప్రసాదం... భాగ్యనగరానికే సొంతమైన ఆయుర్వేద... ఆధ్యాత్మిక అంశాలతో కూడిన ఔషధం. ఏటా మృగశిర కార్తె తొలి రోజున బత్తిని సోదరులు పంపిణీ చేసే ఈ మందును ఉబ్బసం వ్యాధి నివారణకు మంచి ఔషధంగా భావిస్తారు. మృగశిర నుంచి వాతావరణంలో అనేక మార్పులు వస్తాయి. గాలిలో తేమ శాతం పెరిగి ఆస్తమా వ్యాధిగ్రస్తులపై ప్రభావం పడుతుంది. అందువల్ల ఈ మందును పంపిణీ చేస్తారు.