Yudh Abhyas Exercise Alaska 2023 : యుద్ధ అభ్యాస్.. భారత్- అమెరికా సైనిక దళాల పారా జంప్​.. వీడియో చూశారా?

Yudh Abhyas Exercise Alaska 2023 :అమెరికా అలాస్కాలో జరుగుతున్న 19వ ఎడిషన్ యుద్ధ అభ్యాస్ ఎక్సర్​సైజ్​లో భాగంగా.. భారత్-అమెరికా ఆర్మీ దళాలు పారా జంప్​ ప్రదర్శనలు చేశాయి. బుధవారం రెండు దళాల సైనికులు.. ఆకాశంలో ప్రయాణిస్తున్న విమానం నుంచి దూకి విన్యాసాలు చేశారు. ఈ ప్రదర్శనకు ముందు ఆర్మీ అధికారి ఒకరు.. సైనికులకు పారా జంప్​లో తీసుకోవాల్సిన జాగ్రత్తల గురించి వివరించారు. ఇక రెండు ఆర్మీ దళాల మధ్య సమన్వయమే లక్ష్యంగా ఈ డ్రిల్స్ చేసినట్టు.. ఇండియన్ ఆర్మీ అధికారులు తెలిపారు. రియల్ హీరోల్లా ఆకాశం నుంచి దూకిన ఈ సైనికుల వీడియో ఆకట్టుకుంటోంది.

అసలు ఎంటీ 'యుద్ధ అభ్యాస్ ఎక్సర్​సైజ్'..?భారత్-అమెరికా ఆర్మీ అధికారులు సంయుక్తంగా.. ప్రతి ఏటా ఇరు దేశాల ఆర్మీ దళాలకు వార్షిక డ్రిల్స్ నిర్వహిస్తారు. ఈ డ్రిల్స్​నే 'యుద్ధ అభ్యాస్ ఎక్సర్​సైజ్' అని పిలుస్తారు. ఈసారి సెప్టెంబర్ 25న అమెరికా, అలాస్కాలోని వెయిన్​రైట్ కోటలో ప్రారంభమైన ఈ కార్యక్రమం.. అక్టోబర్ 8న ముగుస్తుంది.