Stomach Pain After Eating : తిన్న వెంటనే కడుపులో నొప్పిగా ఉందా? అల్సర్ కారణమా? తగ్గాలంటే ఏం చేయాలి?

Stomach Pain After Eating Reasons :కొందరికి తిన్న వెంటనే కడుపులో నొప్పిగా అనిపిస్తుంటుంది. ఇలా జరగడానికి ప్రధాన కారణం అల్సర్​ వ్యాధి అయి ఉండవచ్చని అంటున్నారు డాక్టర్​.రోహన్​ పీ రెడ్డి. ఈ సమయాల్లో సాధారణంగా వైద్యులను సంప్రదించి వారు సూచించే మందులను వాడితే తగ్గిపోతుంది. అప్పటికీ నొప్పి తగ్గకుండా అలాగే పునరావృతం అవుతోందంటే పొట్ట భాగాన్ని ఎండోస్కోపీ టెస్ట్​ చేయాల్సిన అవసరం ఉంటుంది. ఇలా ఎండోస్కోపీ ద్వారా అల్సర్​ అనేది దేని కారణంగా వచ్చిందని సులువుగా అంచనా వేయవచ్చు. అయితే అల్సర్స్​ రావడానికి ముఖ్యమైన కారణం కడుపులో సాధారణంగా ఉండే హెచ్​ పైలోరీ ఇన్​ఫెక్షన్​ అని చెబుతున్నారు గ్యాస్ట్రోఎంటరాలజిస్ట్​ రోహన్ పీ​ రెడ్డి. దీనితో పాటు సమయానికి సరైన ఆహారం తీసుకోకపోవడం, ఒత్తిడికి లోనవ్వడం వల్ల కూడా అల్సర్స్​ వస్తాయని అంటున్నారు వైద్యులు. హెచ్​ పైలోరీ ఇన్​ఫెక్షన్ ద్వారా వచ్చే అల్సర్స్​ 10 నుంచి 14 రోజుల వరకు తీసుకునే యాంటిబయాటిక్స్ ద్వారా తగ్గిపోతాయి. కానీ, మనం ఇష్టారీతిన వాడే పెయిన్​ కిల్లర్స్ మూలాన కూడా పొట్టలో అల్సర్స్​ వచ్చే ప్రమాదముందంటున్నారు వైద్యులు.