Punjab Viral Robbery Video : ముసుగు దొంగల బీభత్సం.. పాయింట్​ బ్లాంక్​ రేంజ్​లో గన్​.. రూ.లక్షన్నర చోరీ - పంజాబ్​ గురుదాస్​పుర్​ ఎస్​బీఐ సేవా కేంద్రంలో చోరీ

Punjab Viral Robbery Video : పంజాబ్.. గురుదాస్​పుర్ జిల్లా భాటియా గ్రామంలోని ఎస్​బీఐ సేవా కేంద్రంలో ముగ్గురు ముసుగు దొంగలు బీభత్సం సృష్టించారు. అక్కడ పనిచేస్తున్న వ్యక్తిని పాయింట్ బ్లాంక్ రేంజ్​​లో గన్​తో బెదిరించి​ రూ.1.5 లక్షలు ఎత్తుకెళ్లారు. ఈ ఘటనకు సంబంధిచిన దృశ్యాలు సీసీటీవీలో రికార్డయ్యాయి.  

ఇదీ జరిగింది..భాటియాకు చెందిన రాజేశ్​ అగ్నిహోత్రి అనే వ్యక్తి స్థానికంగా ఎస్​బీఐ మనీ ట్రాన్స్​ఫర్ సర్వీస్​ సెంటర్​లో పని చేస్తున్నాడు. అతడు తన కుమారులతో కార్యాలయంలో ఉండగా.. ముగ్గురు వ్యక్తులు ముసుగులు ధరించి లోపలికి దూసుకొచ్చారు. అనంతరం రాజేశ్​, అతడి కుమారులను పాయింట్ బ్లాంక్ రేంజ్​​లో గన్ పెట్టి బెదిరించారు. డబ్బులివ్వాలని వారిపై దాడి చేశారు. రూ. 1.5 లక్షలు దోచుకుని అక్కడి నుంచి పరారయ్యారు. ఈ  ఘటనకు సంబంధించిన దృశ్యాలన్నీ సీసీటీవీలో రికార్డయ్యాయి. రాజేశ్..​ వెంటనే పోలీసులకు సమాచారం అందించాడు. డీఎస్​పీ రాజ్​బీర్ సింగ్ ఘటనా స్థలాన్ని పరిశీలించారు. స్థానికులు తెలిపిన వివరాలు, సీసీటీవీ ఫుటేజీ అధారంగా దర్యాప్తు చేపట్టిన పోలీసులు.. నిందితుల కోసం గాలిస్తున్నారు.