రోడ్లు లేక.. ప్రసవం కోసం 4 కిలోమీటర్లు డోలీలోనే..! - palghar pregenent video viral

Pregnant women Doli: రోడ్డు సౌకర్యం లేక నిండు గర్భిణీని ప్రసవం కోసం నాలుగు కిలోమీటర్ల దూరం.. డోలీలో మోసుకువెళ్లిన ఘటన మహారాష్ట్రలో జరిగింది. పాల్ఘర్ జిల్లాలోని ముకుందపాద అనే గ్రామానికి రోడ్డు సౌకర్యం లేదు. తాలూకా కేంద్రానికి సైతం ఆ గ్రామం 40 కిలోమీటర్ల దూరంలో ఉంటుంది. రోడ్డుసౌకర్యం లేకపోవటం, ఆరోగ్య కేంద్రం సైతం అందుబాటులో లేకపోవడం వల్ల ముకుందపాద గ్రామస్థులు తీవ్ర ఇబ్బందులు పడుతున్నారు. గ్రామానికి చెందిన ఓ గర్భిణీకి పురిటినొప్పులు రావడం వల్ల రోడ్డుపైకి చేరటానికి మహిళ కుటుంబసభ్యులు దాదాపు నాలుగు కిలోమీటర్లు డోలీలో మోసుకెళ్లాల్సిన పరిస్థితి వచ్చింది. అనంతరం అక్కడినుంచి రోడ్డుమార్గంలో ఆస్పత్రికి తరలించారు. ఇప్పటికైనా తమ గ్రామానికి రోడ్డు సౌకర్యం కల్పించాలని ముకుందపాద గ్రామస్థులు కోరుతున్నారు.