మావోయిస్టులు అమర్చిన మందుపాతరను పేల్చేసిన పోలీసులు - ఇదిగో వీడియో చూసేయండి

Police Destroyed Landmines In Bhadradri Kothagudem: రాష్ట్రంలో ఎన్నికలు జరుగుతున్న వేళ భద్రాద్రి కొత్తగూడెం జిల్లాలో మావోయిస్టులు రెచ్చి పోయారు. గురువారం రోజున పోలింగ్​ను ఆపాలని విఫలయత్నం చేసిన మావోయిస్టులు ఓటర్లు ఇళ్ల నుంచి బయటకు రాకుండా ఆ ప్రాంతంలో మందుపాతరలు అమర్చారు. ఎన్నికల బహిష్కరించాలని మావోయిస్టులు పిలిపునిచ్చినా గిరిజనులు, ఆదివాసీలు అటవీ ప్రాంతాల్లోని గ్రామాల నుంచి భారీగా కదిలి వచ్చి ఓటు హక్కును వినియోగించుకున్నారు. 

మావోయిస్టులు బాంబు ఏర్పాటు చేసిన రహదారి గుండా ఓటర్లను వెళ్లకుండా పోలీసులు జాగ్రత్తపడ్డారు. అంజనాపురం చిన్నమెడిసిలేరు ఓటర్లను కాలువ గట్టు వెంట పెద్ద మీడిసిలేరు పోలింగ్ బూత్​కు తరలించి ఓటు హక్కు వినియోగించుకునేలా చర్యలు తీసుకున్నారు. అయితే పోలింగ్ ముగిసిన తర్వాత ఈరోజు పోలీసులు మందుపాతరలను నిర్వీర్యం చేసే పనిలో బిజీ అయ్యారు. బెస్త కొత్తూరు.. చిన్నమిడిసీలేరు రహదారి మధ్య మావోయిస్టులు అమర్చిన మందుపాతరను నిర్వీర్యం చేశారు. ప్రస్తుతం దీనికి సంబంధించి వీడియో నెట్టింట తెగ వైరల్ అవుతోంది.