హైటెన్షన్​ విద్యుత్​ వైర్లలో చిక్కుకున్న పారాగ్లైడర్​ - గోవర్ధన మథుర జిల్లా పారాగ్లైడింగ్​ ప్రమాదం

ఉత్తర్​ప్రదేశ్​లో పెను ప్రమాదం తప్పింది. అనుమతి లేకుండా వెళ్తున్న ఓ పారాగ్లైడర్​ ఒక్కసారిగా హైటెన్షన్​​ విద్యుత్​ వైర్​లలో చిక్కుకుంది. దీంతో అందులో ప్రయాణిస్తున్న ఇద్దరికి గాయాలయ్యాయి. పారాగ్లైడర్​​ విద్యుత్​ తీగలకు తగిలిన సమయంలో కరెంట్​ లేనందున పెను ప్రమాదం తప్పినట్లు స్థానికులు తెలిపారు. మంగళవారం సాయంత్రం మథుర జిల్లాలోని గోవర్ధన్​ ప్రాంతంలో కొత్తగా నిర్మించిన రహదారిపై ఈ ఘటన జరిగింది. ఆ పారాగ్లైడర్​లో ఓ మహిళతోపాటు పైలట్​ ఉన్నట్లు పోలీసులు తెలిపారు. ఈ ఘటనతో ఆ రహదారిపై కొంత సమయం పాటు రాకపోకలు నిలిచిపోయాయి.