గొడవపడి ముగ్గురు వ్యక్తుల పైనుంచి కారును తీసుకెళ్లిన డ్రైవర్​

దిల్లీలోని ఓ రోడ్డుపై జరిగిన చిన్న వివాదం ముగ్గురి ప్రాణాల మీదకు తెచ్చింది. అక్టోబర్​ 26న అలీపుర్​ ప్రాంతంలోని నితిన్​ మాన్​ అనే కారు డ్రైవర్​ బైక్​ పైన వెళ్లే ఓ వ్యక్తితో వాగ్వాదానికి దిగాడు. రోడ్డుపై ఈ వివాదం జరుగుతున్న క్రమంలోనే అక్కడికి వచ్చిన స్థానికులు బైక్​పైన ఉన్న వ్యక్తికి అనుకూలంగా మాట్లాడారు. దీంతో ఆగ్రహించిన నితిన్​ వారి పైనుంచి కారును తీసుకెళ్లాడు. ఈ ప్రమాదంలో రోషన్​, మీనా, యువరాజ్​ అనే ముగ్గురు వ్యక్తులు గాయపడ్డారు. అప్రమత్తమైన స్థానికులు క్షతగాత్రులను ఆస్పత్రికి తరలించారు. సమాచారం అందుకున్న పోలీసులు నిందితుడిపై హత్యాయత్నం కింద కేసు నమోదు చేసి దర్యాప్తు చేపట్టారు. ప్రమాద దృశ్యాలు సీసీటీవీలో నమోదైయ్యాయి.