మహిళల ర్యాలీకి పోలీసుల అడ్డు... భాష్పవాయువు ప్రయోగం - ఇస్తాంబుల్

అంతర్జాతీయ మహిళా దినోత్సవం రోజున టర్కీలో మహిళలకు చేదు అనుభవం ఎదురైంది. మహిళలపై హింసను నిషేధించాలని, ప్రత్యేక హక్కులు కల్పించాలని డిమాండ్​ చేస్తూ ఇస్తాంబుల్​ నగరంలో వేలాది మంది మహిళలు నిరసనలు చేపట్టారు. ప్రభుత్వానికి వ్యతిరేకంగా నినాదాలు చేస్తూ రోడ్లపైకి వచ్చారు. పోలీసులు ముందుగానే హెచ్చరికలు జారీ చేసినా... మహిళలు వెనక్కి తగ్గలేదు. చివరకు నిరసనకారులను చెదరగొట్టేందుకు పోలీసులు విచక్షణారహితంగా భాష్పవాయువును ప్రయోగించారు.