నీట మునిగిన పట్టాలు.. రైల్లోనే వందలాది ప్రయాణికులు - ముంబయి

మహారాష్ట్రలో భారీ వర్షాలు బీభత్సం సృష్టిస్తున్నాయి. బద్లాపుర్​-వాంగణీ మధ్య పట్టాలు నీట మునిగి మహాలక్ష్మి ఎక్స్​ప్రెస్​ ఈ రోజు తెల్లవారుజాము నుంచి మార్గమధ్యంలోనే నిలిచిపోయింది. ఆ సమయంలో రైల్లో 700 మందికి పైగా ప్రయాణికులున్నట్లు తెలుస్తోంది. ఘటనాస్థలానికి చేరుకున్న ఎన్డీఆర్​ఎఫ్​, నావికా సిబ్బంది సహాయక చర్యలు కొనసాగిస్తున్నారు. ప్రయాణికులకు నీరు, బిస్కెట్లు అందజేశారు. నేవీ హెలికాప్టర్లు, పడవల ద్వారా వారిని సురక్షిత ప్రాంతాలకు తరలిస్తున్నారు.