లారీలో మంటలు- లక్షల విలువైన సరకు దగ్ధం - నాందేడ్​-అకోలా రహదారిపై వెళ్లే ట్రక్కులో చెలరేగిన మంటలు

మహారాష్ట్ర హింగోలిలో వేగంగా ప్రయాణిస్తున్న ఓ ట్రక్కులో భారీ ఎత్తున మంటలు చెలరేగాయి. నాందేడ్​-అకోలా రహదారిపై ఈ ఘటన జరిగింది. వాహనం నుంచి వెలువడిన మంటలతో దట్టమైన పొగలు అలుముకున్నాయి. డ్రైవర్​ అప్రమత్తమై లారీని రోడ్డు పక్కన ఆపేశాడు. మంటలను ఆర్పేందుకు స్థానికుల సాయం కోరాడు. అయితే.. సమీపంలో ఎక్కడా నీరు అందుబాటులో లేకపోవటంతో వాహనంలోని సరకులతో పాటు ట్రక్కు కాలి బూడిదైంది. దీంతో లక్షల రూపాయల నష్టం వాటిల్లినట్టు డ్రైవర్​ తెలిపాడు. అయితే.. ప్రమాదానికి గల కారణాలు మాత్రం తెలియరాలేదు.