రక్తం రకరకాలుగా ఎందుకుంది?

చూడటానికి పైకి ఒకేలా కనిపిస్తుంది గానీ అందరి రక్తం ఒకటి కాదు. ఇందులో ఎ, బి, ఎబి, ఒ అనే రకాలు ఉన్నాయి. అలాగే పాజిటివ్‌, నెగెటివ్‌ను బట్టి కూడా మరిన్ని రకాలుగా వర్గీకరిస్తారు. మరి మన నరనరాన పారే రక్తం గురించి మనకు తెలిని చిన్ని విషయాలు తెలుసుకుందాం రండి..

ఎర్ర రక్తకణాల ఉపరితలం మీదుండే యాంటీజెన్ల ఆధారంగా రక్తం గ్రూపులను నిర్ధరిస్తారు. ఎ యాంటీజెన్‌ ఉంటే ఎ గ్రూపు, బి యాంటీజెన్‌ ఉంటే బి గ్రూపు, ఎ బి రెండూ ఉంటే ఎబి గ్రూపు.. ఇక యాంటీజెన్‌లేవీ లేకపోతే ఒ గ్రూపుగా పరిగణిస్తారు. అలాగే ఎర్ర రక్తకణాల మీద ఆర్‌హెచ్‌ ఫ్యాక్టర్‌ కూడా ఉంటే పాజిటివ్‌గా, లేకపోతే నెగిటివ్‌గా భావిస్తారు. ఉదాహరణకు ఎ యాంటీజెన్‌తో పాటు ఆర్‌హెచ్‌ ఫ్యాక్టర్‌ కూడా ఉంటే ఎ పాజిటివ్‌ అని.. ఆర్‌హెచ్‌ ఫ్యాక్టర్‌ లేకపోతే ఎ నెగిటివ్‌ అని అంటారు.

అందరికీ సరిపోయేది..

అత్యవసర సమయాల్లో ఒకే రకం రక్తం అందుబాటులో లేకపోతే ఒ నెగిటివ్‌ రక్తాన్ని ఎక్కిస్తుంటారు. అందుకే వీరిని సార్వత్రిక రక్తదాతలంటారు. ఇక ఎబి పాజిటివ్‌ రక్తం గలవారికి ఎలాంటి గ్రూపు రక్తమైనా సరిపోతుంది. వీరిని సార్వత్రిక రక్త గ్రహీతలంటారు.

ఇదీ చదవండి: కళ్లు మిలమిలా మెరవాలంటే ఇలా చేయాలి!