మెరిసిపోయే చర్మం కోసం.. ఈ హోమ్​ మేడ్​ పేస్ట్​ ట్రై చేయండి..

అందం కోసం పార్లర్లకు వెళుతూ చాలామంది రూ.వేలు ఖర్చు చేస్తుంటారు. అయితే అంత వెచ్చించే బదులు.. ఇంట్లోనే చిన్న చిన్న చిట్కాలు పాటిస్తూ.. సౌందర్యాన్ని పొందవచ్చు. అలాంటి ఒక చిట్కాను ఇప్పుడు తెలుసుకుందాం.

వయసుతో సంబంధం లేకుండా ఈ రోజుల్లో ఎన్నో సౌందర్య సమస్యలు చుట్టుముడుతున్నాయి. చర్మ సౌందర్యం అంటే.. పిగ్మెంటేషన్, బ్లాక్ హెడ్స్ లేకుండా ఉండటమని అర్థం. 'ముఖం చూసి మనసేంటో చెప్పేయొచ్చు' అనే నానుడి.. సౌందర్యానికి ఉన్న ప్రాధాన్యతను స్పష్టం చేస్తుంది. అయితే ఆ అందాన్ని ఇంట్లోనే ఉండి.. మన గార్డెన్​లో ఉన్న.. బొప్పాయి- కలబందతో తయారు చేసిన పేస్ట్​తో పొందవచ్చు. పార్లర్లకు వెళ్లి.. రూ.వేలకు వేలు ఖర్చు చేయకుండా.. ఇంట్లోనే.. ఈజీగా ఈ మిశ్రమాన్ని తయారు చేసుకోవచ్చు. బొప్పాయి- కలబంద పేస్ట్​ తయారీ, వినియోగం, ఉపయోగాలు మీకోసం..

కావాల్సిన పదార్థాలు

• పండిన బొప్పాయి పేస్ట్​..
• కలబంద పేస్ట్​
• తేనె

ముందుగా ఒక బౌల్​ తీసుకొని.. అందులో టేబుల్ స్పూన్ బొప్పాయి పేస్ట్..​ ఒక చెంచా కలబంద పేస్ట్​.. ఒక చెంచా తేనె తీసుకోవాలి. ఈ మూడింటిని కలపాలి. అనంతరం ఈ మిశ్రమాన్ని రాత్రిపూట ముఖానికి పట్టించాలి. పది నిమిషాల తర్వాత ముఖాన్ని శుభ్రం చేసుకోవాలి. ఇలా క్రమం తప్పకుండా చేయడం వల్ల.. ముఖంపై పిగ్మెంటేషన్ తగ్గి.. కాంతివంగా తయారవుతుంది. అలాగే ఈ మిశ్రమాన్ని.. మహిళలు రోజుకో చెంచా తింటే.. వైట్​ డిశ్చార్జి సమస్యకు పరిష్కారంగా ఉపయోగపడుతుంది.

ఉపయోగాలు..

బొప్పాయి, అలోవెరా పేస్ట్​ వల్ల ఆయిలీ స్కిన్ నుంచి ఉపశమనం పొందవచ్చు. ఈ ఫేస్ ప్యాక్​లో విటమిన్ సీ, యాంటీ ఆక్సిడెంట్స్ ఉంటాయి. సూర్యుడి నుంచి వచ్చే.. యూవీ కిరణాల వల్ల చర్మం పాడవకుండా.. కాపాడుతుంది. చర్మ రంధ్రాలను హైడ్రేట్​గా ఉంచి.. చర్మం సాఫ్ట్ గా, గ్లోయింగ్​గా మారడానికి ఈ పేస్ట్​ ఉపయోగపడుతుంది. కొల్లాజెన్ ఉత్పత్తిని పెంచి.. ముడతలు రాకుండా బొప్పాయి- కలబంద మిశ్రమం తోడ్పడుతుంది.

ఇదీ చదవండి:గుండెపోటు రాకుండా ఉండాలంటే.. రోజుకు ఎన్ని ఉల్లిపాయలు తినాలో తెలుసా?