యాదాద్రి శ్రీలక్ష్మీనరసింహస్వామి క్షేత్రంలో పరిత్రోత్సవాలు మంగళవారం నుంచి ప్రారంభమయ్యాయి. బుధవారం రెండోరోజు పవిత్రోత్సవాలు ఘనంగా నిర్వహించారు. ఉత్సవాల్లో భాగంగా స్వామివారికి నవకళాభిషేకం, హవనం, మూలమంత్ర జపాలు, నిత్యహోమాలు, నిత్య లఘుపూర్ణాహుతి, వేద, ఇతిహాస, పురాణం, ప్రబంధ పారాయణాలు చేపట్టారు.
మంగళవారం స్వస్తివాచనంతో ప్రారంభమైన పవిత్రోత్సవాలు.. రేపు పూర్ణాహుతి, పవిత్ర మాలల ధారణతో ముగియనున్నాయి. పవిత్రోత్సవాల సందర్భంగా నేడు, రేపు రెండు రోజుల పాటు స్వామివారికి జరిపే సుదర్శన, నారసింహ హోమం, కల్యాణం రద్దు చేసినట్లు ఆలయ అధికారులు చెప్పారు.
మంగళవారం ప్రారంభమైన పవిత్రోత్సవాలు.. ఈనెల 19 వరకు మూడు రోజుల పాటు జరుగుతున్నాయి. ఏడాది పాటు ఆలయంలో జరిగిన పూజలు, భక్తులు తెలిసి తెలియక జరిగిన తప్పులు, దోషాలు చెరిగిపోయేందుకు ప్రతి సంవత్సరం పవిత్ర ఉత్సవాలను నిర్వహిస్తున్నారు. పవిత్రోత్సవాల ముగింపు అనంతరం తిరిగి 20 నుంచి ఆర్జిత సేవలు పునరుద్ధరించనున్నారు.