యాదాద్రి జిల్లాలో అనుమానాస్పదంగా యువకుడు మృతి

యాదాద్రి భువనగిరి జిల్లాలో ఓ యువకుడు అనుమానాస్పదంగా మృతి చెందాడు. చనిపోయిన వ్యక్తి గోలిగూడెంకు చెందిన ఎంపాల నరేందర్​రెడ్డిగా గుర్తించారు. పోలీసులు కేసు నమోదు చేసుకుని దర్యాప్తు చేస్తున్నారు.

యాదాద్రి భువనగిరి జిల్లాలో విషాదం చోటుచేసుకుంది. వలిగొండ మండలం పులిగిల్ల గ్రామశివారులో గోలిగూడెంకు చెందిన నరేందర్ రెడ్డి అనుమానాస్పదంగా మృతి చెందాడు. హైదరాబాద్​ వనస్థలిపురంలో ఎలక్ట్రిషన్​​గా పనిచేస్తున్నాడు. నిన్ననే ఇంటికి వచ్చినట్లుగా గ్రామస్థులు చెబుతున్నారు. ఘటనాస్థలిలో పురుగుల మందు డబ్బా, చరవాణి​, కూల్​డ్రింక్స్​ ఉన్నాయి. ఆత్మహత్య చేసుకున్నట్లు పోలీసులు అనుమానిస్తున్నారు. కుమారుని మృతితో కుటుంబం శోకసంద్రంలో మునిగిపోయింది.

ఇదీ చూడండి: నిజామాబాద్​ కలెక్టరేట్​ వద్ద బారులు తీరిన రైతులు