మళ్లీ మోదీనే రావాలంటూ సైకిల్​ యాత్ర

రాజకీయ నేతలు అధికారం కోసం పాదయాత్రలు చేయడం చూసుంటాం.. బస్సు యాత్రలు చేయడం చూసుంటాం.. కాని తెలంగాణలో ఓ వ్యక్తి తన అభిమాన నేత నరేంద్ర మోదీ మళ్లీ ప్రధాని కావాలని రాష్ట్రమంతా సైకిల్​ యాత్రకు శ్రీకారం చుట్టాడు.

నరేంద్ర మోదీ మళ్లీ ప్రధాని కావాలనే సంకల్పంతో జగిత్యాల జిల్లా బుగ్గారం మండలానికి చెందిన రాయల రవి కుమార్ అనే వ్యక్తి రాష్ట్ర వ్యాప్తంగా సైకిల్​యాత్ర చేస్తున్నాడు.

రాష్ట్రంలోని 33 జిల్లాలు 17 పార్లమెంటు, వంద అసెంబ్లీ నియోజకవర్గాలు పర్యటించాలని ధర్మపురి పుణ్యక్షేత్రం నుంచి శివరాత్రినాడు యాత్రను ప్రారంభించాడు.

ఇప్పటి వరకు 17 జిల్లాలు చుట్టొచ్చి యాదాద్రి భువనగిరి జిల్లాలోని మోత్కూర్​ చేరుకున్న ఆయనకు స్థానిక భాజపా కార్యకర్తలు స్వాగతం పలికారు. రాష్ట్రంలో భాజపాను 17 పార్లమెంటు స్థానాల్లోనూ గెలిపించాలని విజ్ఞప్తి చేస్తూ ముందుకు సాగుతున్నాడు.

ఇదీ చదవండి:మిర్యాలగూడ కేసీఆర్​ సభలో కార్యకర్తల జోష్​