'ఇది యావత్​ తెలంగాణకు దక్కిన గౌరవం'

హిమాచల్​ప్రదేశ్ గవర్నర్​గా తనను నియమించడం యావత్ తెలంగాణకు దక్కిన గౌరవంగా భావిస్తున్నానని భాజపా నేత బండారు దత్తాత్రేయ అన్నారు. యాదాద్రి లక్ష్మీనరసింహ స్వామి వారిని దర్శించుకుని ప్రత్యేక పూజలు నిర్వహించారు.

హిమాచల్​ప్రదేశ్ గవర్నర్​గా బాధ్యతలు స్వీకరించిన తర్వాత మొదటిసారిగా యాదాద్రి లక్ష్మీ నరసింహ స్వామిని బండారు దత్తాత్రేయ దర్శించుకున్నారు. ఆలయ అర్చకులు పూర్ణకుంభంతో ఆయనకు స్వాగతం పలికారు. అనంతరం స్వామి వారికి ప్రత్యేక పూజలు నిర్వహించారు. తనను హిమాచల్​ గవర్నర్​గా నియమించడం రాష్ట్రానికి దక్కిన గౌరవంగా భావిస్తున్నానని దత్తాత్రేయ అన్నారు. హిమాచల్​ గొప్ప దేవభూమి అని, తెలంగాణ వీరభూమిగా పేర్కొన్నారు.

• ఇదీ చూడండి : ఇది నా జీవితంలో నూతన అధ్యాయం: దత్తాత్రేయ