రాష్ట్రంలో పరిపాలన సౌలభ్యం కొరకు యాదాద్రి భువనగిరి జిల్లాలోని ఆలేరు గ్రామ పంచాయతీని నూతన మున్సిపాలిటీగా ఏర్పాటు చేయడం సంతోషంగా ఉందని ఎమ్మెల్యే సునీత అన్నారు. రూ. 5 కోట్ల 20లక్షల వ్యయంతో పట్టణంలో పలు అభివృద్ధి కార్యక్రమాలకు శంకుస్థాపన చేశారు. మున్సిపాలిటీ అభివృద్ధికి రూ. 20 కోట్లు కేటాయించినందుకు ముఖ్యమంత్రికి ధన్యావాదాలు తెలిపారు. ఆలేరులో రూ. 2 కోట్లతో బీటి రోడ్డు పనులు, మెయిన్ రోడ్డుపై రూ. 1.2 కోట్లతో బటర్ ఫ్లైయ్ లైట్లు, స్ట్రీట్ లైట్లు, సీసీ రోడ్డులకు రూ. 2 కోట్లు కేటాయించామని చెప్పారు. రూ. 3.5 కోట్లు అండర్ డ్రైనేజీ పనులకు మంజూరు చేశామని పేర్కొన్నారు. ఆలేరును అన్ని హంగులతో తీర్చి దిద్దుతామని రాజ్యసభ సభ్యుడు బడుగుల లింగయ్య అన్నారు.
ఆలేరు మున్సిపాలిటీ అభివృద్ధికి శ్రీకారం