సీఎం కేసీఆర్​ చిత్రపటానికి క్షీరాభిషేకం

రైతుబంధు, రైతు రుణమాఫీ నిధులను ప్రభుత్వం విడుదల చేయడం పట్ల ముఖ్యమంత్రి కేసీఆర్​ చిత్రపటానికి వరంగల్​ అర్బన్​ జిల్లా డీసీసీబీ ఛైర్మన్​ రవీందర్​ పాలాభిషేకం చేశారు. రైతుల క్షేమం కోసం అహర్నిశలు కృషి చేస్తున్న ముఖ్యమంత్రికి కృతజ్ఞతలు తెలిపారు.

వరంగల్ అర్బన్ జిల్లా హన్మకొండలో ముఖ్యమంత్రి కేసీఆర్​ చిత్రపటానికి డీసీసీబీ ఛైర్మన్ రవీందర్, తెరాస శ్రేణులు పాలాభిషేకం చేశారు. రైతు రుణమాఫీ, రైతుబంధు పథకాలకు నిధులు విడుదల చేయడం పట్ల వారు సంతోషం వ్యక్తం చేశారు.

కేసీఆర్​ రైతుల సంక్షేమం కోసం అనేక పథకాలను తీసుకొస్తూ.. వారికి అండగా నిలుస్తున్నారని కొనియాడారు. 24 గంటల పాటు ఉచిత విద్యుత్​ ఇస్తూ అన్నదాతల కోసం అహర్నిశలు కృషి చేస్తున్నారని తెలిపారు.