డప్పు కొట్టిన పసునూరి... ఉత్సాహంలో తెరాస శ్రేణులు

పార్లమెంట్ ఎన్నికల గడువు దగ్గరపడుతున్న కొద్దీ అభ్యర్ధులు ప్రచార జోరును పెంచారు. వరంగల్​లో తెరాస అభ్యర్థి పసునూరి దయకర్ డప్పు కొట్టి చిందేస్తూ ఓటర్లను ఉత్సాహపరిచారు. వర్ధన్నపేట ఎమ్మెల్యే ఆరూరి రమేష్ ఆయనకు మద్దతుగా ప్రచారం చేశారు.

వరంగల్ లోక్​సభ తెరాస అభ్యర్ధి పసునూరి దయాకర్, వర్ధన్నపేట ఎమ్మెల్యే ఆరూరి రమేష్ కలిసి ఎనుమాముల, కొత్తపేట, ఆరేపల్లి, పైడిపల్లి తదితర ప్రాంతాల్లో పర్యటించారు. రాష్ట్రంలో ప్రజలు ఎదుర్కొంటున్న అనేక సమస్యలను పరిష్కరించి దేశంలోనే ఎక్కువ సంక్షేమ పథకాలను అమలు చేస్తున్న ఘనత కేసీఆర్​కే దక్కుతుందని పసునూరి వెల్లడించారు. ఈ ఎన్నికల్లో తనను ఆదరించి అత్యధిక మెజార్టీతో గెలిపించాలని ఓటర్లకు విజ్ఞప్తి చేశారు.

ఇవీ చూడండి:ప్రజా సేవకై... ప్రభుత్వ ఉద్యోగాన్ని వదిలేశా: సాంబయ్య