బైక్​పై వెళ్తున్న ఇద్దరికి క్వారంటైన్​ ముద్ర

ఓ బైక్​పై ముగ్గరు వ్యక్తులు వెళ్తున్నారు.. అనుమానం వచ్చిన పోలీసులు తనిఖీలు నిర్వహించారు. వారిలో ఓ యువతి, మరో యువకుని చేతికి క్వారంటైన్​ ముద్ర కనిపించింది. అప్రమత్తమై వెంటనే ఆస్పత్రికి తరలించిన ఘటన వరంగల్​ పట్టణ జిల్లాలో జరిగింది.

వరంగల్ పట్టణ జిల్లా హనుమాన్ జంక్షన్ వద్ద పోలీసులు సాధారణ తనిఖీలు నిర్వహించారు. ఇద్దరు గుర్తు తెలియని వ్యక్తుల చేతులపై క్వారంటైన్ ముద్రలు ఉండడం చూసి ఆందోళనకు గురయ్యారు. ములుగు జిల్లా జాకారం నుంచి ద్విచక్రవాహనంపై ముగ్గురు వెళ్తున్నారు. ఆ క్రమంలో ట్రాఫిక్ పోలీసులు వారిని ఆపి విచారించి తనిఖీ చేశారు. వాహనంపై ఉన్న యువతి చేతి భాగంలో, మరో యువకుని చేతికి క్వారంటైన్​ ముద్ర కనిపించింది.

వెంటనే అప్రమత్తమైన పోలీసులు వైద్య ఆరోగ్యశాఖ సిబ్బందికి సమాచారం అందించారు. హుటాహుటిన ఘటనా స్థలికి చేరుకుని 108 వాహనంలో ఆస్పత్రికి తరలించారు. ముగ్గురు అస్పష్టమైన సమాచారం ఇవ్వడం వల్ల వారిని ఐసోలేషన్ వార్డుకు తరలించారు.

ఇదీ చూడండి :పరిమళించిన మానవత్వం.. అన్నార్థులకు చేయూత