పెళ్లి చేయండి ప్లీజ్

ప్రేయసి ప్రేమ కోసం ఎవరెస్టు కూడా ఎక్కుతామంటారు సినిమాల్లో హీరోలు. ఇక్కడ మాత్రం తన ప్రియునితో పెళ్లి జరిపించాలంటూ ఓ యువతి ఏకంగా ఏడు గంటలు ప్రేమ పోరాటం చేసింది.

వరంగల్ అర్బన్ జిల్లా హసన్ పర్తి మండలంలోని పెగడపల్లిలో న్యాయం చేయాలంటూ టవర్ ఎక్కిన యువతి ఎట్టకేలకు కిందికి దిగింది. 7 గంటల పాటు నిరసన తెలిపిన ఆమె... పోలీసుల హామీతో పోరాటాన్ని విరమించింది.

న్యాయం జరగలేదని...

మోశా అలియాస్ బాబు మాలిక అనే యువతితో గత పదేళ్లుగా ప్రేమాయణం నడుపుతున్నాడు. కొన్ని రోజులుగా పెళ్లి చేసుకుందామని బాధితురాలు అడగడంతో మెహం చాటేశాడు. న్యాయం చేయాలని కోరుతూ షీ టీంను ఆశ్రయించినా... నిరాశే ఎదురైంది. విసుగు చెందిన మాలిక... సెల్​టవర్ ఎక్కి నిరసన తెలిపింది. అన్ని విధాలుగా వాడుకొని ఇప్పుడు వేరే అమ్మాయితో పెళ్లి సంబంధం ఖాయం చేసుకున్నాడని ఆరోపించింది.

పెళ్లే కావాలి..

అమ్మాయిని కిందికి దించేందుకు పోలీసులు, బంధువులు నానా తంటాలు పడ్డారు. అబ్బాయి వచ్చి పెళ్లి చేసుకుంటానని మాటిస్తేనే కిందికి దిగుతానని ఉదయం నుంచి భీష్మించుకు కూర్చుంది. పోలీసుల హామీతో చివరికి తన దీక్ష విరమించింది. యువతి దిగి రావటంతో అందరూ ఊపిరి పీల్చుకున్నారు.

ఇవీ చూడండి :టోర్నడో మిగిల్చిన విషాదం