'ఏ ఒక్కరూ ఆకలితో అలమటించొద్దు...'

వరంగల్ అర్బన్ జిల్లా ఐనవోలు మండలం పరిధిలోని అన్ని గ్రామాల్లోని పేదలకు వర్ధన్నపేట ఎమ్మెల్యే ఆరూరి రమేశ్​ నిత్యావసర సరుకులు పంపిణీ చేశారు. లాక్​డౌన్​ వేళ ఒక్కరు కూడా ఆకలితో అలమటించొద్దని... ఎవరికి తోచిన సాయం వారు చేయాలని కోరారు.

కరోనా కట్టడిలో నిరంతరం నిరుపేదలకు అండగా నిలుస్తున్నారు వర్ధన్నపేట ఎమ్మెల్యే రమేశ్​. ఆరూరి గట్టుమల్లు మెమోరియల్ ఫౌండేషన్ ఆధ్వర్యంలో వరంగల్ అర్బన్ జిల్లా ఐనవోలు మండలం పరిధిలోని అన్ని గ్రామాలకు చెందిన ఆటో డ్రైవర్లు, అర్చకులు, పాస్టర్లు, ఇమామ్​లకు నిత్యావసర సరుకులు పంపిణీ చేశారు.

లాక్​డౌన్ కారణంగా ఆటో డ్రైవర్లు, రోజువారి కూలీల పరిస్థితి దయనీయంగా మారిందని ఎమ్మెల్యే రమేశ్​ ఆవేదన వ్యక్తం చేశారు. ఉపాధి కోల్పోయిన నిరుపేద కుటుంబాలకు ఎవరికీ తోచిన విధంగా వారు సాయం అందించాలని కోరారు.

ఇదీ చూడండి:పెట్టుబడుల ఆకర్షణపై దృష్టి సారించండి : మోదీ